Bunıñ aqqında onıñ ağası Aziz Ümerov Facebook’ta tarif etti. 

“4 aydan ziyade rusiye, Ukraina vatandaşı, menim qız qardaşım Ümerova Leniyeni esirde tuta. O, 2022 senesiniñ soñundan apiste bulunmaqtadır. İşğalcılar oña uquq qoruyıcılarğa isyanlıqta uydurılğan qabaatlavlarnı yazalar…Halqara aqlarnıñ qaidelerni bozıp tecavuzcı ülkesi, qabaatsız insannı, 25 yaşında olğan Ukraina vatandaşını reine olaraq tuta”, - yazdı Ümerov. 

Onıñ sözlerine köre, rusiyeliler onıñ qız qardaşını uquq qoruyıcılarğa isyanlıqnıñ kösterilmesinde qabaatlaylar. Şimdiki vaqıtqa qadar Ümerovanı Vladikavkazdaki vaqtınca tutuv cezahanesinde tutalar. 

“Onıñ yekâne yapılğan cinayeti - Qırım MC asılı olıp rusiye pasportnıñ almamasıdır.. Çette qalmağan cemaat faalleri, uquq qoruyıcı teşkilâtlar, devlet akimiyet organlarını Leniyeniñ esirden serbest etüvine tesir etmege çağıram!”, - qayd etti Aziz Ümerov. 

Menba: facebook.com/umerov.azeez

Qırım uquq qoruyıcı gruppası (QUQG) bildirgeni kibi, Şeerdeki rayon makemesi, qırım tatarını “devlet sıñırdaki rejiminiñ bozuluvında” (RF CK 18 m. 1 q.) qabaatlı tanıp oña 2 biñ ruble miqdarında cöreme ödetken. Bu yılnıñ saban aynıñ 16 qadar Ümerovanı Vladikavkaz rayonında ecnebiy vatandaşlarnıñ vaqtınca tutuv merkezinde tutqan ediler. 

“Gece saban aynıñ 16 Leniye Ümerovanı ecnebiy vatandaşlarnıñ tutuv merkezinden çıqardılar. Amma qız, keççe tarif etkeni kibi, araba qapınıñ yanında onı 4 erkeginen maşnası bekley edi. Olar onı alıp, başına çuvalnı kiydirip Vladikavkaznıñ belli olmağan rayonına alıp ketirdiler ve anda qaldırdılar. Birden onı milis tutıp alğan. Tutıp aluvınıñ sebepleri aqqında sualler içün qıznıñ adına milis hadimlerine isyanlıq aqqında protokolnı tizgenler. Lenin rayon makemesi, oña 15 tevqif künü memuriy cezasını tayin etken”, - tarif ettiler uquq qoruyıcılar. 

Taqiqat tevqifhanesinde bulunaraq, qız, “polis hadimlerine öz cep telefonını alıp bermege red etkeni içün” onıñ adına nevbetteki sefer memuriy protokolnı tizgenler. Saban aynıñ 27 rusiye makemesi, oña kene de 15 künge tevqifini tayin etken. 

Bundan soñ Ümerovnı Beslan şeerindeki taqiqat tevqifhanesine alıp keçirdiler. Amma çiçek aynıñ 9 onıñ adına kene de “polis hadimlerine isyanlığı” aqqında protokolnı tizeler. Çiçek aynıñ 11 Vladikavkaznıñ Sovet makemesi, oña 15 künge tevqifini tayin etken. 

“Qıznı, bu memuriy tevqiflerni uydurıp tutalar. O, siyasiy sebeplerden yapılğan taqip etüvler ve memuriy davalarnıñ sahtelenüv hususiyetlerinen qaba bozuluvlarıdır. Bu memuriy tevqiflerniñ yardımı ile qıznı aqiqaten cinaiy davasınıñ sahtelenüvi maqsadınen apiste tutqanlarından qorqam”, - añlattı QUQG idaresiniñ başı Ölga Skripnik. 

Menba: facebook.com/umerov.azeez

Bizni Telegram'da oquñız