Ukraina Mudafaa nazirligi, RF QDB gemileri içün “sürprizni” yayınladı
Ukraina mudafaa naziri Aleksey Reznikov, ülke, rusiye Qara deñiz bahriseine yañı ücümini azırlağanını ilân etken.
Bunıñ aqqında o Danimarka Qırallığınıñ mudafaa naziriniñ vazifelerni icra etken Troyels Lunda Poulsennen umumiy brifinginde bildirgen.
“Duşmanımızğa belli olmağan bazı hususiyetler bar. O ise - deñizde nevbetteki “sürprizini”, olarnıñ gemilerinen bağlı olğan nevbetteki “pamuğını” teklif etebilgenimizni manasına kele. Bu tarihnı tekrarlamaq içün uyğun vaqıtnı bekleymiz”, - qayd etti Reznikov.
Tafsilâtlıca oquñız: Ukrainada işğal etilgen Qırımda RF QDB yerleştirüvi aqqında añlaşmanıñ lâğu etilmesine azırlanalar
Bu ceette Ukraina Silâlı Quvetlernen Qara deñizde “Moskva” gemisiniñ batıruvını hatırlatqan. O, bu vaqianıñ tafsilâtlarnı daa aytıp olamay.
“Tanış olğağım tafsilâtlarnen paylaşmağa pek ister edim, amma ukrain bahriyesiniñ reberi Aleksey Neyijpapanen añlaşmamız bar, onıñ quvetleri ve taqımınıñ sayesinde böyle olğan. Bütün tafsilâtlarnı şimdi açıp olamamız”, - añlattı Ukraina Mudafaa nazirliginiñ başı.
Tafsilâtlıca oquñız: İşğal etilgen aqyarğa uçucısız uçaq aletiniñ ücümi, RF QB ameliyatlarnı sıñırlamağa devam ete - britaniyalı istihbaratı
Belli olğanı
- 2022 senesi çiçek aynıñ 13 ukrain arbiyleri “Moskva” gemisini ciddiy tarzda bozdılar, netice olaraq - onı batırdılar.
- İşğal etilgen Aqyarğa rusiye “Moskva” gemisinden 14 deñizcisi kelgen. Rusiye arbiyleri yalığa tezleştirgen gemisinde kelgenler. Ekipajnıñ daa 496 azasınıñ taqdiri belli degil.
Bizni Telegram'da oquñız