Zelenskiyde Roma Babasınıñ vekiline din ve siyasiy sebeplerden qırımlılarnıñ taqip etüvleri aqqında tarif ettiler
QMC’de Ukraina prezidentiniñ daimiy vekili Tamila Taşeva, Apostol vekili Visvald Külbokasnen iş körüşüvini keçirgen. Roma Babasınıñ icraiy vekiline vaqtınca işğal etilgen Qırımda Ukraina vatandaşlarnıñ din ve siyasiy sebeplerden cinaiy taqip etüvleri aqqında tarif ettiler.
Bunıñ aqqında Qırım Muhtar Cumhuriyetinde Ukraina Prezidentiniñ temsilciligi Facebook’ta bildirdi.
Taşeva, öz muavini Denis Çistikov ve Qırım platformasındaki ekspert ağınıñ azası Vladimir Horoşevskiy, Apostol vekili Külbokasqa Qırımda insan aqlarnıñ bozuluvları aqqında tarif ettiler. Ayrıca, qırımlılarnı sıq tek olarnıñ din ya da yarımadada işğalcılarnıñ cinayetleri aqqında aqiqatnıñ yayınlaması içün olarnı “ekstremizm” ve “terorizm”de qabaatlaylar.
Tafsilâtlıca oquñız: Qırımnıñ yañartılğan deokupatsiya strategiyası, yazda qabul etilecek - Taşeva
Daa serbest etilgen Qırımda kelecek reintegratsiya ceryanlarnıñ viziyasınıñ üzerinde işletüvi ve yarımadanıñ işğal şaraitlerinde diniy teşkilâtlarnıñ işletüv qıyınlıqları ve din sebeplerden taqip etüvleri muzakere etilgen ediler.
“Korüşüv vaqtında Apostol vekili, Qırım - tek territoriyası degil, ilk nevbette ansanlardır aqqında Ukraina Prezidentiniñ sözlerinen razı olğanını qayd etken. Visvaldas Külbokas babası, öz suverenitetiniñ imaye etilmesi oğrunda Ukrainanıñ areketleri dünya muabbetligi içün adaletli ve müim olğanlarında emin”, - denile beyanatta.
Tafsilâtlıca oquñız: Ukraina, Qırımnı 5-7 ay soñra serbest eter - Podolâk
Belli olğanı
- Ukrain uquq qoruyıcı teşkilâtlarnıñ vekilleri cemaat jurnalisti Amet Suleymanovnıñ siyasiy sebeplerden taqip etüvlerni toqtatmağa çağırаlar.
- Qırım MC’de Ukraina prezidentiniñ daimiy vekili Tamila Taşeva, Qırımnıñ deokupatsiyasından soñ yerli saylavlarnı birden keçirmeyceklerini ilân etken. baştan arbiy memuriyetlerni, oñra ise arbiy-cemaat memuriyetlerine olabilgen keçüvini teşkil eterler.
- Qırım MC’de Ukraina prezidentiniñ daimiy vekili Tamila Taşeva ilân etkeni kibi, Qırım yarımadasınıñ qaytaruvından soñ vaziyetini idare etebilmek içün Ukrainadan farqlı saadaki 50 biñ hadimi kerek olır.
- Qırım MC’de Ukraina prezidentiniñ daimiy vekili Tamila Taşeva ilân etkeni kibi, vaqtınca işğal etilgen Qırımnıñ sakinleri işğalge imkân yaratmağan olsalar ve Ukrainağa qarşı Rusiyeniñ cenkine qol tutmağan olsalar “memuriyetlernen” işdeşligi içün cinaiy mesüliyetligini çekmemeliler.
Bizni Telegram’da oquñız