Bunıñ aqqında advokat Emine Avamileva “Qırım birdemligi” CT tefsirinde tarif etken. 

“İmaye tarafı, öz delillerde Abdurazakovnıñ Qırımda turmuş içtimaiy bağlarına atıf etile edi. Advokat, onıñ işancısı, Qırım territoriyasını terk etip olamaycağınıñ kefaleti olğanını saya. Bundan da, ğayrı, Osman Abdurazakov, çağına yetmegen balanı temin ete. Tevqif vaqıttan onıñ daa bir balası doğğan. İmaye tarafı, makeme oturışı vaqtında uyğun vesiqalarnı qoşqan”, - bildire cemaat teşkilâtı. 

Abdurazakov özü, terroristik faaliyetine öz ait oluvını tanımay ve uyğun mevamını “makemede” isbatlaycaq.

Öz nevbette, onıñ advokatı qayd etkeni kibi, işğalcılarnıñ areketlerni evelden tahmin etmege qolay - çiçek aynıñ soñuna qadar qırım tatarını statsionar psihiatrik teşkerüvine yollaycaqlar.

Belli olğanı

• Qara qış aynıñ 24 saba saat 4’den beri Canköy rayondaki farqlı köylerinde tintüvler keçken, olarnıñ neticesinde altı erkekni tutıp alıp olarnı Aqmescitke alıp ketirdiler. Olarnı Aqmescitteki 1’ci taqiqat tevqifhanesinde yerleştirdiler. 
• Sıñırlama tedbiriniñ seçip aluvına dair makeme oturışnıñ neticelerine köre, Cankoydaki qurucısı Leman Zekeryayev, Dniprovka köyündeki qurucısı Osman Abdurazakov tevqif etilgen edi. Onıñ tuvğan ağası Edem Bekirov siyasiy mabusı ola. Timofeyevka köyündeki Ayder Asanov ve Refat Seydametov. Tevqif etilgenlerniñ arasında 67 yaşında olğan Halil Mambetov da bar. Daa siyasiy mabusı Enver Kroşnıñ ağası Ekremni de tevqif ettiler. 

Bizni Telegram'da oquñız