Bunıñ aqqında Camala “Radio.Promin”niñ yayısında tarif etken. 

Yırcı, toplamnı ukrain diñleyicisine mayıs aynıñ 5’de Ukraina milliy simfonik çalğı taqımınıñ ozğaruvında ve Vladimir Sirenkonıñ idaresinde taqdim eter. Bundan soñ Liverpuldeki EuroFestival’niñ çerçivelerinde dünyadaki premyerası olunacaq. Yırcını BBC Philharmonic Orchestra refaqat etecek. 

Tafsilâtlıca oquñız: 2023-Avropalı yır yarışmasında Camala, Qırım aqqında yañı muzıkalı albomını taqdim eter

Milliy seçüvinden soñ TVORCHI taqımınen bağnı tutasıñmı?

- Şahsen muzakere etkenimizni aytıp olamam. Milliy seçüvinden soñ menden ayrı tevsiyelerni eşitkenler. Soñ olarnıñ menecerinen muzakere etip yardımım, oğraşmaq ya da Stokgolmdeki “Avropalı yır yarışmasında” mennen çalışqan arttaki yırcılar kerek olsa, olarğa teklif ettim. Olar tecribeli yırcılardır ve taqım bu teklifke qoşulğanı içün pek memnünim.  

("Heart of Steel") yırını eşitken olsañız, onıñ vokalı çoq. Ve bunı canlı tarzda qayd etmege istegi bar. Türküni diñlegende o vokal ceyetinde qısqaca eşitile. Canlı tarzda bunı coymamağa fikiri bar. Sananıñ artında ne qadar çoq isteseñ o qadar da qoymaq mümkün, hornı da qoymaq mümkün. Hornı qoyacaqlarmı, yoqmı, amma bir qaç arttaki yırcı olacağı malüm. 

“2023-Avropalı yır yarışmasınıñ” sanasında peyda olacasıñmı sırlarını açıp olmağanımıznı añlayım.

- Olamaymız. Böyle aytayım ki: “Avropalı yır yarışmasınıñ” yazısına baqıñız - sarı-mavı tüslerde. Yani “Avropalı yır yarışması” bizimki ola. O, Liverpulde keçe, amma bizimki ola. Buna köre, ğaliplerimiz de iştirak etecekler, çünki o, bizim yır yarışmasıdır. 

QIRIM albomınıñ taqdim etüvi olacağı aqqında haberimiz bar.

- Azırlağanım leyhası, pek miqyaslıdır. Bundan da ğayrı, o, tek “Avropalı yır yarışmasında” degil, muzıkamıznıñ tarihında ilk sefer oluna. Öz QIRIM albomını Avropalı festivalinde taqdim etmege davet etilgenim. O, VVS çalğı taqımınen taqdim etüvi. Birev içün, belki de, añlayışlı degil, amma men içün o pek acayip edi, çünki VVS çalğı taqımı üç yıl ögüne yazdırılğan. Ve Liverpulde 15-20 biñ insanğa köstermek içün olar aynı menim QIRIM leyhasını seçip alğanlar!

Böyle miqyasında em kontsert, em albomnıñ taqdim etüvi olacaq muzıkalı tarihımızda ilk saası olacaq. O, aynı olarnıñ dünya premyerası olacağında pek israr etken ediler, ve bunı pek istegen ediler. Ve men içün o pek mesülietlidir, o pek mesülietlidir, çünki Liverpulde çalğı taqımınen beraber QIRIM albomınıñ taqdim etüvi, o - muzıka, terenlik, qıyınlığına köre 100’ge arttırılğan “1944”dır. Em de, sanada mennen beraber insanlarnıñ büyük miqdarı olacaq. Bütün ömür devamında toplağanım türküler ile ukrain Qırımnıñ tarihını şiddetli tarzda tarif etecek olğan tahminen 80 çalğıcısı. Bu leyha üzerinde şimdi çalışam. 

Dünya taqdim etüvi Liverpulde olacaq, amma mayısnıñ 5’de Kiyevdeki Operalı teatrda insanlarnıñ büyük olmağan miqdarına QIRIM albomını köstermege aqqını aldım. Yani bu notlar, bu ikâye ilk sefer Kiyevde çalınsıñlar dep pek müim. Çünki Qırım işğal olğanda, bunı evde yapıp olamayım, Kiyev bombalar astında olaraq, öz topraqta yaşamağa aqqını elde etmesi oğrunda tek küreşkenimizni degil, özümizge has olğan bir şeyni yaratıp olğanımıznı dünyağa aytmalımız. Ve o, QIRIM albomı ola. 

Umumen, QIRIM albomına ukrain Qırım yarımadasınıñ ayrı yerini taqdim etken 14 qadimiy qırımtatar halq yırı kirgen. 

Bizni Telegram'da oquñız