Bunıñ aqqında Sergey Aksönovnıñ qararına dair tafsilâtlı planında denile. 

Böyleliknen, işğal maarif nazirligi ve başqa qırım “idareleri” “mudafaa saasında ve arbiy hızmetlerniñ esasları boyunca olarnıñ azırlanuvına dair talebelerniñ esas bilgilerniñ berilmesi içün ders temelini”, “çağıruvğa yetmegen vatandaşlarnen arbiy-vatanperverlik işniñ keçirilüvi, arbiy adetleri, müzeyler ve cenkâver şuratınıñ odalarınen tanıştıruvını” temin etmek kerekler. 

Daa bütün “akimiyet organları”, “ Rusiyeara “Yunarmiya” balalıq arbiy-vatanperverlik cemaat areketiniñ” iştiraqçılarnıñ vacip celp etüvinen “Çağırıcı künü”, “Açıq qapılar künü”, “İş ve mudafaağa azır” arbiy-vatanperverlik tedbirlerni teşkil etmek kerek. 

Tafsilâtlıca oquñız: İşğal etilgen Qırımdaki ocalarnıñ aman-aman episi, satqınlıq aqqında maddesine kireler - Potapov

RF maarif naziri Sergey Kravtsov, daa keçken yıl bildirgeni kibi, 2023 senesi ilk küz aynıñ 1’den balalarnıñ oqutuv arbiy azırlanuvı, mekteplerde oqutuv programmasınıñ mecburiy qısımı olacaq. Talebeler, gaz ücümi olğan alda gaz qoruyıcı maskasını kiymege, silânı çıqarıp toplamağa, granatanı atmağa, cebe tarında yaralanğanını baylamağa ve telüke işareti olğanda ne yapmağa añlamağa ögrenmek kerekler. 

Menba: crimeahrg.org

Qırım uquq qoruyıcı gruppası bildirgeni kibi, işğalcılar bu tedbirlerge endi azırlanalar. Böyleliknen, Qırımdaki işğal parlamentiniñ “spikeri” Vladimir Konstantinovğa ait olğan “Konsol” şahsiy mektebinde balalarnıñ arbiy azırlanuvı boyunca derslerni endi göñülli esasında keçirmege başladılar. Bu programması, arbiy hızmetine azırlanuvından ibaret.

Aynı zamanda Aqmescitte “Tavrida” kazak ücüm batalyonnıñ vekilleri talebelerge “MAA” ve “pekitmelerde qaramaniy künleri” aqqında tarif etken ediler. 

“İşğalcılarnıñ tarafında cenkleşken arbiy cinayetçilernen balalarnıñ böyle körüşüvlerniñ maqsadı - işğal ordularnıñ qaramanlaştıruvı ve ukrainlerniñ yaman tarafından tasvir etüvidir. Bu vaqia aqqında tarif etken saytında bütün bu körüşüvlerde tek bir esas beyanatı bildirile: “Büyük Cian cenk vaqıtlarda olarnıñ ataları bulunğan ve Vatannı faşistlerden qorçalağan aynı pekitmelerde ediler. O vaqıt olğanı kibi, duşman yoq etilecek, faşizm ise mağlübiyetke oğratılacağını söz berdiler”, - qayd etti QUQG talilcisi İrina Sedova.

Menba: crimeahrg.org

Keçende Keriçte şeerniñ işğal memuriyeti, başlanğıç arbiy azırlanuvı boyunca derslerni keçirmege planlaştırğan “Dobrınâ” adlı nevbetteki arbiy-vatanperverlik terbiyelev merkezini açqan. Balalarğa arbiy işniñ nazariyelerniñ esaslarını ve ameliyatnen arbiy-tar tibbiyetini ögretecekler. 

Daa yarımadada faal sürette “Yunarmiya” ve “Qırım vatanperverlik merkezi” çalışmağa devam eteler. Saban ayında Kalaşnikov silâlarınıñ toplavı, tüfekten atışlar boyunca balalarnıñ arasında nevbetteki yarışlarnı keçirdiler. Saqlarda “Yunarmiya iştirakçılarnıñ marşını” keçirdiler, onıñ vaqtında “Yunarmiya”ğa qırım balalarnıñ yanı zümresi qatnağan. 

Bundan da ğayrı, Qırımda şimdi “Vatandaşlarım - Ukrainadaki mahsus arbiy ameliyatınıñ qaramanlarıdır” bala yarışması keçirile. Balalarğa bu serlevasınen şahsiy eserlerni yazmaq kerek. Keriçteki meteplerniñ birinde qayd etilgeni kibi, yarışmanıñ esas vazifelerden biri - “MAA içinde RF SQ areketleriniñ müsbet ahlâqiy qıymet kesüviniñ teşkil etilmesidir”. 

Belli olğanı

• Aqmescitte beden edebiyatınıñ dersi vaqtında talebe can bergen. 

• İşğal etilgen Aqmescitte kiçik mektep ve bala bağçalardaki yaşında olğan balalarnı “arbiy azırlanuv” derslerinde silânı qullanmağa ögreteler. Bunen beraber RF territoriyasındaki mekteplerde “cesaretlik dersleri” keçe, anda balalarğa Ukrainanen cenk aqqında tarif etip Qırım Rusiyeniñ qısmı olğanını iddia eteler. 

• İşğal etigen Qırımda mektep müzeylernıñ  42,5% arbiy olıp ve askerleşüv teşviqatını keçireler. 2021 senenin malümatlarına köre, yarımadada 107 kadet sınıfları ve 25 “Yaş ordu” regional ştabları areket eteler.

• İşğal etilgen Qırımnıñ mekteplerinde Ukrainağa qarşı cenkleşken rusiye arbiyleriniñ tercimeiallerinen raleleri peyda olğanlar.  

• Rusiye maarif nazirligi, yuqarı sınıflardaki talebeler içün yañı mektep programmasını tasdıq etken. Endi olar Rusiye tarihınıñ çerçivelerinde “2014 senedeki Ukrainada olıp keçken devlet inqilâbı”, “Rusiyenen Qırım ve Aqyarnıñ birleştirüvi” ve soñki bir qaç yıl içinde Ukrainada olıp keçken vaqiaları aqqında rusiye propagandacılarınıñ bozulğan tasvirinen bir qaç iddiasını oquycaqlar. 

Bizni Telegram'da oquñız