Qırımnıñ serbest etüv meselesinde Vladimir Zelenskiy, ukrainlerniñ iradesini diqqatqa almalı - Blinken
AQŞ devlet kâtibi Entoni Blinken ilân etkeni kibi, Qırımnıñ serbest etüvi aqqında qararını Ukraina prezidenti Vladimir Zelenskiy devlet başı kibi qabul etmeli. Lâkin bu meselede ukranlerniñ iradesini diqqatqa almaq kerek.
Bunı Tagesschau bildire.
“Ukraina - demokratik ülkesidir. Prezident Vladimir Zelenskiy, ülkeniñ idare etüvi içün mesülietligini çeke… Amma ukrainlerniñ ardesine de açıq olmaq kerek”, - dedi Blinken.
Daa şunı qoştı ki, AQŞ çoqusı başqa ittifaqdaşınen beraber Ukrainağa yardım etip onıñ mustaqiligini imayeye etmege söz bergen.
Tafsilâtlıca oquñız: Ukraina Qırımnı 5-7 ay soñra serbest eter - Podolâk
“O, belki de, yaqın aftalarda başlanacaq olğan ücümini kirsete”, - qayd etti AQŞ devlet kâtibi.
Blinken daa şunı qayd etti ki, AQŞ Ukrainağa tek arbiy yardımını bermezler, onıñ orta ve uzun müddetli qabiliyetiniñ teşkil etilmesinde destekleycekler.
Belli olğanı
- Braziliya prezidenti Luyis Lula da Silva, “dünyadaki tınçlığı” adına Ukraina, Rusiye tecavuzcı ülkesine Qırım yarımadasını alıp bermek kerek olğanını ilân etken. Onıñ fikirine köre, o, büyük miqyaslı cenkni toqtatabile. Ukraina TİN’de böyle arizanı körip Ukraina, öz territoriyalarnı satmay dep cevap berdiler.
- Dünyanıñ bazı ülkelerde rusiye prezidenti Vladimir Putinniñ özek qandırışı sebebinden Qırımnı arbiy yolunen serbset etüvine dair qorqularnı bildireler. Bazı “ekspertler” ise - tarihnı bilmeyip Qırım ep rusiyeli olğan edi eken rusiye propagandasını paylaşalar.
Bizni Telegram'da oquñız