Yayınlandırılğan malümatına köre, ukrain AOYu’na kirmege istegenleri tasil müesisselerniñ esasında teşkil etilgen “Qırım-Ukraina” ve “Donbass-Ukraina” tasil merkezlerine muracaat etmek kerek. 

Kiriş içün böyle vesiqalarnı bermek kerek:

• Arizanı;
• 2019-2021 senelerdeki tışqı mustaqil qıymet kesüviniñ sertifikatını ya da milliy ayrı fen testniñ neticelerni (istegine köre);
• içinden köçürilgen şahısnıñ esapqa aluvı aqqında malümatnamesini (bar olsa);
• şahısnı tasdıq etken vesiqasını, yoq olğan alda - doğuv şeadetnamesini;
• 3×4 sm miqdarında dört renkli fotoresimini;
• devlet seviyesinde olğan tasil aqqında vesiqasını ve oña dair ilâvesini ya da yıllıq qıymet kesüviniñ muvafaqiyetli keçüvi ve devlet neticeli attestatsiyasını (vesiqalarnıñ uzaqtan alıp berilgen alda merkez, vesiqanı testlevni keçirgen müesisseden özü ala).

Bunen beraber, idarede şunı qayd ettiler ki, uzaqtan kirüvi olsa, abituriyent, üç ay devamında vesiqalarnıñ aqiqiy soylarınıñ alıp berilmesi ve añlaşmasınıñ tizüvi içün AOY’na şahsen kelmek kerek olacaq. 

2023 senesi VİT’dan sakinler içün kiriş şaraitleri

Bizni Telegram'da oquñız