Bunıñ aqqında Emil Kürbedinov Suspilne Qırımnıñ tefsirinde bildirdi. 

“Biz onı bugün kördik. Ahlâqiy ceyetinde özüni yahşı is ete, ne yerde bulunğanını yahşı añlay, o nevbetteki sınav olğanını da yahşı añlay. Sağlıq aqqında aytsaq, alı eyi degil. Daimiy baş ağrısı, yürek ağrısı raatlıq bermegeni aqqında ayta. İzolâtorda buluna. Şaraitleri de eyi. İlerideki areketlerine dair oña qısqa uquqiy mesleatını keçirdik”, - dedi uquq qoruyıcı. 

Daa Emil Kürbedinov qayd etkeni kibi, Amet Suleymanovnı daa keçirecekler, belki de Aqmescitteki tahqiqiy izolâtorına, soñra ise - RF territoriyasındaki apishanesine. 

“Siyasiy mabuslarımız, yaşına ya da ağır hastalıqlarına baqmadan, adamsız şaraitlerinde tutulalar”, - qayd etti advokat. 

Belli olğanı

• Tünevin, hasta yüregi sebebinden ev tevqifinde bulunğan “Qırım birdemliginiñ” grajdan jurnalisti Amet Suleymanovnı tevqif etip taqiqat tevqifhanesine alıp ketirgenleri aqqında belli oldı. Rostov-na-Donudaki cenübiy arbiy bölge makemesi, onı qattı nizamlı koloniyasında 12 yılğa mahküm etti. 
• Amet Suleymanov, yürekniñ qızıl qan damarı ve mitral kemliginden çekişe, oña yürek klapannıñ deñiştirüvi boyunca ameliyatını yapmağa tevsiye etken ediler. Bundan da ğayrı, makemelengeninde saqatlığı qayd etile edi, amma 2015 senesi Moskvadaki ameliyattan red etüvi sebebinden onı çıqarğanlar - Suleymanov, Kiyevdeki hastanesinde muntazamiy tedaviylemesini alıp ameliyatnı öz daimiy ekiminiñ nezareti astında keçirmege planlaştırğan edi. 
•  2020 senesi saban aynıñ 11 olıp keçken tintüv ve ilerideki tutıp aluvından soñ Aqmescitteki işğal makemesi, ev tevqifi olaraq sıñırlama tedbirini tayin etmege qabul etken - o, Rusiyedeki “Hizb ut-Tahrir” cinaiy davalarnıñ ameliyatında yekâne vaqiasıdır. Advokat Lilâ Gemici tarif etkeni kibi, makeme zalında sıñırlama tedbiriniñ seçip aluvı vaqtında onıñ alı fenalaşqan. 
• Makeme baquvınıñ bütün vaqıt devamında Amet Suleymanov, ea tevqifinde bulunmaqta edi. Baştan onı Rostov-na-Donudaki cenübiy arbiy bölge makemesine diñlevlerge alıp ketire ediler, amma soñra Qırım arbiy garnizonlı makeme degeninden video bağı ile çıqışta bulunmağa izin berdiler. Böyle şaraitlerde bile makemelengen, makeme oturışlarnı zor keçire edi, kimerde o, ekimni ziyaret etip olsun dep olarnı toqtatmaq kerek olğan edi. 
• Cenübiy arbiy bölge makemesi, Suleymanovnıñ sağlıq alına dair imaye tarafınıñ çoq sayılı arizalarına baqmadan, onı 12 yıl müddetine qattı nizamlı koloniyasına yollamağa qararını alğan. 

Bizni Telegram'da oquñız