Prezident ofisinde Rusiyenen Qırımğa dair muzakerelerniñ şartını ayttılar
Ukraina, Rusiyenen Qırımğa dair muzakerelerine azır, amma Silâlı quvetler öz strategik vazifelerni eda etip yarımada sıñırlarına irişseler.
Bunıñ aqqında Ukraina prezidentiniñ ofisiniñ baş muavini Andrey Sıbiga Financial Times’nıñ tefsirinde ilân etti.
“Cebe tarında strategik maqsatlarımızğa irişip olsaq ve Qırımnen memuriy sıñırında peyda olğanda bu meseleniñ muzakere etüvi içün diplomatik saifesini açmağa azırıq”, - tarif etti o.
Sıbiga qayd etkeni kibi, vaqtınca işğal etilgen Qırımnı arbiy yolunen serbest etüv variantı da red etilmey.
Tafsilâtlıca oquñız: Ukraina Qırımnı 5-7 ay soñra serbest eter - Podolâk
Jurnalistlerniñ sözlerine köre, Sıbiganıñ sözleri, Rusiyenen cenkte Ukrainanıñ ğalebesinde şübelengen ve özek yerleştirüvinden qorqqan ğarbiy siyasetçilerine yardım etebileler.
Daa malümatta şusı denile ki, Sıbiga, aynı işğal etilgen Qırım yarımadası aqqında söz ketkenini qayd etken.
Belli olğanı
- Ukraina Mudafaadaki istihbaratınıñ baş idaresi, vaqtınca işğal etilgen Qırımğa Ukraina Silâlı Quvetlerniñ kelecek ücümine alâmeti olaraq fotoresimni yayınlağan.
- “Sarı şerit” grajdan tirenüvi areketiniñ faalleri Avropa parlamentteki deputatalarğa Kiyevden Aqmescitke trenine biletlerni bahşış etip yarımadada tirenüvini yapqan ve oña qol tutqanlardan mektüplerni alıp bergenler.
- Arbiy eksperti, USQ polkovnigi Petro Çernik ilân etkeni kibi, Qırım yarımadasınıñ arbiy ameliyatı ile işğalden serbest etüvi, aqiqiy vazifesidir, amma onıñ eda etilmesi içün uzaq mesafeli raketalar ve keyfiyetli nato aviatsıyası kerek.
- Avropada AQŞ ordusınıñ sabıq başı general Ben Goces, Qırımnıñ olabilgen deokupatsıya planını köstergen.
Biznı Telegram’da oquñız