Bunıñ aqqında onıñ ömür arqadaşı bildirdi, yaza “Qırım birdemligi”. 

“Müürli vesiqası kelgenini ve üküm öz quvetini alğanını ayttılar. 10 daqiqa berersiñizmi dep sordım, orazalımız, bütün kün açmız. Aşap kiyinsiñ dep 15 daqqa bermege rica etken edim. Ëq dediler, tez sürette almaq kerek eken. Amet, tek aqşam namazını qılıp kiyinmege yetiştirgen, - tarif etti Lilâ Lümanova, Amet Suleymanovnıñ ömür arqadaşı. - Bu ükümni öldürecek soyu kibi sayamız, çünki onıñ sağlıq alı ve bu müesisselerde tutuv şaraitleri bir birine uymaz”. 

Daa şusı qayd etile ki, qırımtatarı, FTH hadimlerine evge kirmege izin bermegen. Siyasiy mabusınıñ qaçmağa niyeti olmağanında emin olsunlar dep azbarğa çıqqan pencereli odasında kiyine edi, işğalcılar onı közetken ediler. 

Amet Suleymanovğa diñlevlerde video bağı ile çıqışta bulunmağa izin berdiler. Menba: Qırım birdemligi

Amet Suleymanovnıñ hastalığı çoq: yürek, aqciger, mide, buğumlar, keçende gonartroznı tasdıq ettiler, qayd ete qadın.

“Taqiqat tevqifhanesi - sağ insanlarnı saqatlı yapqan yeri olğanı aqqında epimizniñ haberi bar. Taqiqat tevqifhanesinde olğan bütün şaraitlerine onıñ yüregi dayanmaz ve o, onıñ içün öldürici olacağını yahşı añlaymız, çünki vucudı dayanıp olmaz… Bütün bu müesisselerde onıñ sağlıq alı ve bulunuv şaraitlerini qıyaslamaq mümkün olmaz, buna köre, onıñ içün o, öldürici olabile”, - dedi Lilâ Lümanova Suspilne Qırımnıñ tefsirinde. 

İşkencelerge qarşı BMT komitetinde Amet Suleymanovnıñ vekili olğan advokat Sergey Zayets bildirgeni kibi, Komitet, Rusiye Federatsiyasına aqiqiy apis etüvinen ükümniñ eda etilmesini toqtatağa talabınen muracaat etken. Halqara teşkilâtında kompleksli tibbiy teşkerüvi ve kerek olğan tedaviylemesiniñ keçirilmesinde israr eteler. 

“O, komitetniñ aralı qararı, mahküm etilgeniniñ ayatını qurtarmağa fırsatını bere, amma, afsus ki, aqiqaten qanunsız üküminiñ eda etilmesini de red etmey”, - tefsir ettiler qararını uquq qoruyıcılar. 

Belli olğanı

• Amet Suleymanov, yürekniñ qızıl qan damarı ve mitral kemliginden çekişe, oña yürek klapannıñ deñiştirüvi boyunca ameliyatını yapmağa tevsiye etken ediler. Bundan da ğayrı, makemelengeninde saqatlığı qayd etile edi, amma 2015 senesi Moskvadaki ameliyattan red etüvi sebebinden onı çıqarğanlar - Suleymanov, Kiyevdeki hastanesinde muntazamiy tedaviylemesini alıp ameliyatnı öz daimiy ekiminiñ nezareti astında keçirmege planlaştırğan edi. 
•  2020 senesi saban aynıñ 11 olıp keçken tintüv ve ilerideki tutıp aluvından soñ Aqmescitteki işğal makemesi, ev tevqifi olaraq sıñırlama tedbirini tayin etmege qabul etken - o, Rusiyedeki “Hizb ut-Tahrir” cinaiy davalarnıñ ameliyatında yekâne vaqiasıdır. Advokat Lilâ Gemici tarif etkeni kibi, makeme zalında sıñırlama tedbiriniñ seçip aluvı vaqtında onıñ alı fenalaşqan. 
• Makeme baquvınıñ bütün vaqıt devamında Amet Suleymanov, ea tevqifinde bulunmaqta edi. Baştan onı Rostov-na-Donudaki cenübiy arbiy bölge makemesine diñlevlerge alıp ketire ediler, amma soñra Qırım arbiy garnizonlı makeme degeninden video bağı ile çıqışta bulunmağa izin berdiler. Böyle şaraitlerde bile makemelengen, makeme oturışlarnı zor keçire edi, kimerde o, ekimni ziyaret etip olsun dep olarnı toqtatmaq kerek olğan edi. 
• Cenübiy arbiy bölge makemesi, Suleymanovnıñ sağlıq alına dair imaye tarafınıñ çoq sayılı arizalarına baqmadan, onı 12 yıl müddetine qattı nizamlı koloniyasına yollamağa qararını alğan. 

Bizni Telegram'da oquñız