Tutuvnıñ adamsız şaraitler sebebinden siyasiy mabuslar açlıqnı başlaylar - QırımSOS
“QırımSOS” uquq qoruyıcı teşkilâtnıñ idaresiniñ başı Aleksey Tilnenko ilân etkeni kibi, siyasiy sebeplerden başlanılğan taqip etüvlerniñ qurbanları açlıqnı başlamağa mecburlar, çünki o, rusiye akimiyetiniñ cinayetlerine diqqatını çekmege yekâne ıntıluvıdır.
Bunıñ aqqında o, Qırım Aqiqatı’nıñ tefsirinde tarif etti.
“Afsus ki, siyasiy mabuslarımız, takqiqat tevqifhanesinde bulunğan ukrainlerimiz içün sıq o, türme aye taqiqat tevqifhanesiniñ divarlarında olunğan işkenceler, basqılar kibi bozuluvlarğa diqqatını celp etmege aqiqaten yekâne mehanizmi ola”, - qayd etti Tilnenko.
Onıñ sözlerine köre, açlıqnıñ sebebi sıq tibbiy yardımınıñ ya da tedaviylemesiniñ yoq oluvı ola. Bunen beraber, uquq qoruyıcı tüşüngeni kibi, mabuslarnıñ mecburiy açlığı işkencelernen aynı seviyede tura.
“Açlıqnı ilân etüv aqiqatı, özüne diqqatını çeke. Buna köre, bunı gizlemek içün tutulğan şahıslarğa advokatlarnıñ irişimini sıñırlamaq içün elinden kelgeni yapıla… Mecburiy açlığına qadar farqlı cevaplarnıñ olması mümkün, amma böyle vaqialar aqqında haberimiz yoq”, - qayd etti Tilnenko.
Belli olğanı
- Saban aynıñ 21, ilk qış aynıñ soñunda “Kefe şeer işğal makemesi”nen qanunsız tarzda umumiy rejimli koloniyasında yedi yılğa mahküm etilgen Kefedeki qırım faali ve jurnalisti İrina Daniloviç, oña tibbiy yardımınıñ bermemesi sebebinden quru açlıqnıñ başlanuvını ilân etti.
Bizni Telegram'da oquñız