Bunıñ aqqında muhtariyet prokuraturasınıñ matbuat hızmeti Telegram’da bildire. 

“Muhtariyet prokuraturası, Qırım ve Aqyar şeerdeki musulmanlarnıñ ruhiy idaresiniñ işğal başına dair makemege qabaatlav aktnı yollağan”, - denile beyanatta. 

Prokuraturanıñ malümatına köre, makemeden evel mahsus tahqiqatı tayin etkeni kibi, keçken yıl qabaatlanılğan, yarımadadaki qırımtatar ealisi, duşmannıñ areketlerni desteklemege  faal sürette çağırmağa başladı. 

“Propagandalı KHV sırasına kirip, Qırımdaki musulmanlarnıñ müftiy degeni, işğalni aqlap, “rusiye dünyasınıñ ğayelerni” kösterip Ukraina territoriyasında RF silâlı tecavuzına dair müsbet tarzda ifade bildirgen edi. Bundan da ğayrı, qabaatlanılğan, milliyara munasebetlerniñ balansı içün rusiye tili ve medenitine ürmet köstermege çağırğan edi”, - denile prokuraturanıñ beyanatında. 

Daa qayd etilgeni kibi, işğal müytiyi, ukrain yarımadasınıñ işğaline qarşı çıqqan ve 2014 senesinden soñ Qırımnı mcburiy tarzda terk etip Ukrainanıñ qıtaiy qısmına köçken qırımtatar halqnıñ vekillerini mahküm etken edi. 

Tafsilâtlıca oquñız: Ukraina, işğal etilgen Qırımdan grajdan ealisiniñ sürgünligi içün ilk ükümni çıqarğan

Öz “tırışuvları” içün müftiy, Qırımdaki RF işğal akimiyetinen “Şanlı emegi içün” medalinen ve “Borcğa sadıqlığı içün” ordeninen mukâfatlandırılğan edi. 

Qabaatlanılğannıñ areketleri Ukrainağa qarşı RF silâlı tecavuzınıñ red etüvi ve onı qanuniy sayıluvı ve aqlavı (Ukraina CK 436-2 m. 3 q.), ve kollaborantlıq faaliyeti (Ukraina CK 111-1 m. 6 q.) kibi qayd etilgenler. Onı on eki yılğa azatlıqtan marum etüvi bekley. 

QMC Prokuraturası

Belli olğanı

•  Saban aynıñ 14 Qırım MC ve Aqyar ş. prokuraturası, makemege UCK 111 m. 1 q. köre, devlet hainligi aqiqatı boyunca “Qırım Cumhuriyeti ve Aqyar ş. boyunca cezalandıruvlarnıñ eda etilmesi federal hızmetiniñ icraiy koloniyasınıñ” işğal başına dair qabaatlav aktını yollağan. Onı 15 yılğa azatlıqtan marum etüvi bekley. 

Bizni Telegram'da oquñız