Bunıñ aqqında o Gromadske radiosınıñ yayısında bildirgen. 

“Rusiye işğal akimiyeti, tünevinden başlanılğan baar çağıruvı içün insanlarnıñ planlaştırılğan miqdarınıñ aluvınen tusiye işğal akimiyeti büyük meselelerini duya. Bu çağıruvnıñ başlanuvından beri işğal arbiy komitetleri qara qış-uvut aylarda şahsiy malümatlarnıñ tafsilâtlıca soraştıruvına dair işini keçire ediler. Moskva ile “berilgen” raqamlarnı toplamağa niyetleri bar olğanı aqqında ayta. Amma aynı Qırımda insanlarnıñ aynı bu raqamını alıp olamaycaqlarında eminim”, - dedi Çubarov. 

Tafsilâtlıca oquñız: Qırımdaki muqavele boyunca hızmetçilerni işğalcılar büyük ğayıp eyüvler sebebinden RF MN’nen muqavelerni imzalamağa çağıralar

Onıñ sözlerine köre, işğalcılar RF territoriyasında arbiy kompaniyalar içün kelişken insanlarnı qıdıracaqlar. Ayrıca, Volga şeerinde RF koloniyalarından birinde celp etüv vaqialardan biri aqqında malümatı bar. 

“Gizli mobilizatsıyasınıñ dalğası şindi toqtatılğan. Amma arbiy komitetler çalışa, malümatlarnıñ tasdıq etüvi içün erkeklerni bütün vaqıt çağıralar. O, insanlarnı ayrı kerginlikte tuta, buna köre, Qırımnı ilk küz, orta küz, qasım, ilk qış aylarında terk etkenlerniñ çoqusı, mecburiy mobilizatsıyasından vazgeçmek içün yarımadağa qaytmay. Olarğa cedvellernen endi kelgen ediler”, - dep qoştı Çubarov. 

Bizni Telegram’da oquñız