Bunıñ aqqında tışqı işler nazir muavini Emine Ceppar Twitter’de bildirdi. 

Tafsilâtlıca oquñız: “Olarnıñ serbest etüvine irişermiz”: jurnalist, Qırımda jurnalistlerniñ taqip etüvine insanlarnıñ diqqatını nasıl celp etmek tarif etti

“Rusiye işğalcıları qırımtatarı Fazil Emirüseinovnıñ evinde tintüv keçireler. O, siyasiy sebeplerden başlanılğan ceryanlarına qarşı makeme oturışlarnı muntazam sürette ziyaret etip olarnıñ birinde imaye tarafınıñ şaiti edi. İşğalcılar Qırımda basqılar ve qorqutuvlarnı toqtatmaq kerekler”, - yazdı Ceppar. 

“Qırım birdemligi” de bildirgeni kibi, işğal etilgen Aqyardaki Rodnoye köyünde qanunsız tintüvler.

Uquq qoruyıcılarnıñ malümatına köre, 2021 senesi Emirüseinovnı FTH binası yanında toqtatıp 7 biñ ruble miqdarında cöreme ödettiler. O vaqıt mahsus hızmetlerniñ hadimleri Eldar Odamanov, Asan ve Aziz Ahtemov, Şevket Üseinov ve Nariman Celâlovnıñ evlerinde tintüv keçirdiler. 

UPD. Saba, saat 11.25. Tintüv bitken. Fazil Emirüseinovnı tutıp almadılar. Onıñ evindeki tahqiqiy tedbirleri Bağçasaray rayonında Poçtovoye köyündeki demiyorlnıñ bozuluvına dair şübesi sebebinden keçirilgen ediler. 

Belli olğanı

• Uvut aynıñ soñundan beri böyle kibi levhasına köre, FTH hadimleri endi bir qaç adresine kelgenler. 
• Saban aynıñ 15 Qırımnıñ Aqmescit rayondaki Urojaynoye köyünde FTH işğal hadimleri uvut aynıñ 23 Bağçasaray rayondaki demiryolnıñ bozuluvı aqqında beyannamesi sebebinden faal ve grajdan jurnalisti Rolan Osmannıñ evinde tintüv keçirdiler. Onı Aqmescitteki FTH idaresine alıp ketirdiler. 
• Saban aynıñ 12 Urojaynoye köyünde işğal quvetçileri qırımtatar halqnıñ Qurultay namzeti Lemmar Yunusovnıñ evinde tintüv keçirdiler. 
• Uvut aynıñ 28 FTH hadimleri Qırımdaki Aqmescit rayonında Soyin Celilovnıñ evinde ediler, saban aynıñ 6 - Suvdağda Edem Murtazayevniñ evinde, saban aynıñ 9 operativ hadimleri daa eki qırım tatarı - Qırımdaki Krasnogvardeyskoye rayonında Memet Aşurovğa ve Qırımda bulunmağan Asan Abduramanovğa kirdiler. Saban aynıñ 11 Ahtem İsmailovnıñ evine. Olarnıñ episi, Poştovoyedeki demiryolnıñ bozuluvına er bir alâqasını red ete. 
• Uvut aynıñ 24 ukrainler ve qırımtatarlarnıñ arbiy-partizan areketi “Ateş, vaqtınca işğal etilgen Qırımda Poştove köyü yanında demiryolnıñ qısmını patlağanlarını bildirdi. 

Bizni Telegram’da oquñız