“QırımSOS”nen işdeşligi: qırım faalleri RF’da ecnebiy agent statusını alabileler - Polozov
RF Baş prokuraturasınen “istenilmegen” kibi tanılğan “QırımSOS” uquq qoruyıcı teşkilâtınen işdeşlikte bulunğan qırım faalleri ecnebiy agenti statusını alabileler.
Bunıñ aqqında qırım advokatı Nikolay Polozov “Qırım Aqiqatı”nıñ tefsirinde bildirdi.
Böyle status, Qırımnıñ işğal akimiyetten “siyasiy maqsatqa uyğunlığı”nıñ bar olğan alda qırımlılarğa telükesini yarata.
“İstenilmegen teşkilâtınıñ faaliyetinde iştirağı içün taqip etüvivleriniñ, ecnebiy agenti statusınıñ alıp berilmesinden başqa normativ (“uqukiy” sözünden vazgeçerim) esasları bar. Amma rusiye akimiyeti içün siyasiy maqsatqa uyğunlığı olğan alda o, maniası olmaz”, - añlattı Polozov.
RF CK 20.33 maddesine köre, rusiyede “istenilmegen” teşkilâtınıñ faaliyetinde iştirağı, 5’ten 15 biñ rublege qadar cöremesini köz ögünde tuta.
Bunen beraber, RF CK 284.1 maddesine köre, aynı areketler içün yıl içinde cöremeni eki sefer ödegen vatandaşınen yapılğan faaliyetinde iştirağı, 300 biñden 500 biñ rublege qadar cöremesinen ya da şahısnıñ aylıq miqdarında ya da eki-üç yıl içinde alınğan başqa keliri, ya da 360 saatqa qadar mecburiy işlerinen, ya da 2 yılğa azatlıqtan marum etüvinen 5 yılğa qadar mecburiy işlernen, ya da ayrı vazifelerinde bulunmağa aqtan marum etüvinen 2-6 yılğa azatlıqtan marum etüvinen ya da 10 yılğa qadar ayrı faaliyetinen oğraşmağa aqtan marum etüvinen cezalandırıla.
Belli olğanı
- Saban aynıñ 27 RF baş prokuraturası, Rusiyede “QırımSOS” uquq qoruyıcı teşkilâtını “istenilmegen” kibi tanığan.
- QırımSOS idaresiniñ başı Aleksey Tilnenko, bu qararını “vaqıtqa bağlı meselesi” kibi adlağan, amma “istenilmegen” teşkilâtınıñ statusı, Ukrainada ve dünyanıñ başqa medeniy ülkelerinde teşkilâtnıñ faaliyetine tesir etmey.
Bizni Telegram’da oquñız
