Bunı “Sarı şerit” öz Telegram kanalında bildire. 

“Qırım serbest olğanda, “Ukrzaliznitsâ” ise - onen uzlaşuvını tuzetkende, 14 avropa parlamentçisiniñ, yarımadağa ilk demiryol reyslerniñ yolcusı olmağa fırsatı olacaq. Yaqın vaqıtta ukrain Qırımda bütün dünyadaki musafirlerni qarşılacağımızğa işanamız, şimdi ise Qırım - Ukrainadır dep er kün hatırlatmağa devam etemiz!”, - qayd ettiler faaller. 

Daa areket, parlamentçilerge Qırımdan işğal nefretçilerinden mektüplerni alıp bergen: “Ukrzaliznitsâ”daki evakuatsiya reyslerniñ qılavuzı olğan qırımlı, siyasiy mabusı olğan qırımtatar faali Bogdan Zizanıñ qız qardaşı Aleksandra Barkova, rejissör ve stsenariy yazıcı Timur Yaşçenko, rejissör ve aktör Ahtem Seitablayev, “Ukrain kerçeginiñ” baş muarriri Sevgil Musayeva ve Ukraina TİN il muavini Emine Ceppar ve QMC’de Ukraina prezidentiniñ daimiy vekili Tamila Taşevadan. 

“Bu mektüpler - Avropa ve bütün dünyasınıñ haberi olmağan qırım tirenüviniñ müim tasdığıdır, çünki rusiye propagandası, em yarımadada, em onıñ tışında tirenüv sesini çoqtan susturmağa tırışa”, - añlattılar faaller. 

Menba: t.me/yellowribbon_ua

Belli olğanı 

• Vaqtınca işğal etilgen Qırımda ukrain tirenüvi, arttmasını toqtamay. “Sarı şerit” tirenüv areketine yıl içindr büyün vaqtınca işğal etilgen territoriyalarında 17 biñden zitade faali qoşulğan, olarnıñ sayısı arta. 
• Salı künü, saban aynıñ 28 “Sarı şeriti” cemiyet tirenüviniñ areketi, Brükselde Avropa parlamentinde areket faallerinen birdemlik tedbirini keçirgen. Avropa deputatları ve diplomatları işğalge tirenüvini köstermek maqsadınen sarı şeritlerniñ resimlrni çızğan ediler. 
• İşğal etilgen Qırımda tirenüv areketi arta: vatanperverler çiçeklerni Taras Şevçenko abidesi yanında qoyalar, Rusiye büyük bayrağını bozalar, parklarda sarı şeritlerni asalar ve dağlarda ukrain tarfdarlığını köstergen yazılarnı qaldıralar. 

Bizni Telegram'da oquñız