Qırımlını, Ukrainağa qarşı cenkleşmege red etüvi içün 9 yılğa azatlıqtan marum ettiler
09:31, 31 Sabanay
Foto menbası: gov.spb.ru
İşğal Qırım garnizon makemesi, qırımlını “hainlik” içün qattı rejimli koloniyasında 9 yılğa qadar mahküm etti - o, Ukrainağa qarşı cenkleşmege red etip bölükni terk etken.
Bunıñ aqqında işğal makemesiniñ saytında denile.
Tahqıqatnıñ malümatlarına köre, 2022 senesi ilk küz ayında qırımlı vaqtınca işğal etilgen Aqyarda muqavelege köre arbiy hızmetini keçken edi, amma öz isteginen arbiy bölügini qaldırıp yarımadadaki mesken yerlerniñ birisine köçken.
Amma 2023 senesi qara qış ayında erkekni tutıp aldılar. Makeme oturışı vaqtında özüni qabaatlı kibi tanığan ve Ukrainağa qarşı cenkte iştirağını almağa istemegenine köre öyle yapqanını qayd etken.
Belli olğanı
- Aqmescitniñ işğal Kiyev rayon makemesinde “prokuror”, ukrain “Qırım” göñülli batalyonnıñ temin etüvi iç.n 20 yaşında olğan Appaz Kurtamet içün 10 yılğa azatlıqtan marum etüvini istegen.
- QırımSOS qayd etkeni kibi, işğal makemeleri 2022 senesi saban ayından beri Qırımda “RF ordusınıñ hainligi” aqqında davalarnı eñ azdan 284 kere baqqan ediler.
Bizni Telegram’da oquñız