National Geographic ce büyük avropalı kitap ağları muntazam sürette “rusiyeli” Qırımnen haritalarnı satalar
Avropada satılğan harita, yer kürresi ve malümatnamelerniñ 40 ziyade farqlı soyu, Ukraina territoriyasını halqara seviyede tanılğan sıñırlarında degil, rusiye qanunnamesine köre köstereler, ayrıca işğal etilgen Qırımnı Rusiyege ait eteler.
Bunıñ aqqında Almaniyda yaşap haritaşınaslığınen oğraşqan prodact-meneceri Mıkola Golubey haber etti, bildire ukrain mustaqil TEXTY internet-neşriyatı.
Prodakr-menecer belli etkeni kibi, onlayn ve oflayn tükânlarnıñ yedi büyük ağı Almaniya, Avstriya, İsveçre, Büyük Britaniya, İtaliyadaki 15 büyük neşriyatı, okarnen beraber National Geographic te öz müşterelerine vaqtınca işğal etilgen Qırımnı Rusiyeniñ qısmını olaraq qayd etken haritalar, atlaslar, yer kürreler be başqa coğrafiya malını satalar.
“Rusiye soyları” kibi bazı coğrafiya timsallerinde Donetsk, Lugansk, Zaporijjâ ve Herson vilâyetlerniñ işğal etilgen qısımlatı qayd etilgenler. Ukrain territoriyasınıñ doğru olmağan resim etüvinen em bala eglendirici haritaları, em de muayyen, mütehassıs soyları bar.
Golubey, sahte sıñırlarınen haritalarnıñ sistemalı ticareti olğanında şahsen emin olmaq içün Almaniya, İsveçre ve Avstriyadaki tükânlarnıñ çoqusını ziyaret etken.
Onıñ tedqiq etüvlerniñ neticelerine köre, haritalarnıñ bazılarında halqara qaidelerine baqmadan, Qırımnı “şübeli territoriyası”, “Ukrainanıñ niyeti olğan territoriyası”, “Ukrainanıñ bildirüvlerine köre, oña ait olğan territoriyası” kibi adlap “bitaraf” zonası kibi tasvir eteler, Ukraina ve Qırım, Donbass ve Ukraina arasında memuriy sıñırını ise “belli olmağan” kibi adlaylar.
Columbus Verlag nemse kompaniyasınen işlep çıqarılğan Terra Kinder Leuchtglobus yer kürresi. Qırım, Rusiye ve Ukrainanıñ “umumiy” territoriyası kibi qayd etilgen. Menba: Mykola Golubei
DuMont Die Welt. Atlas mit Länderlexikon atlası. Qırım yarımadası, Rusiyeniñ territoriyası kibi qayd etilgen.
Menba: Mykola Golubei
Edizioni White Star SrL’dan dünyanıñ Weltatlas National Geographic Kids bala atlası. Keriç aqımınıñ yanında “Ukrainanıñ niyeti olğan” sıñırı olğanını yazalar. Menba: Mykola Golubei
Belli olğanı
- 2022 senesi Pinterest, Qırımnı haritada Rusiyeniñ qısmı olaraq qayd etken, bu sebepten ukrainler onıñ reytingini tüşürdiler.
- Apple amerikalı kompaniyası, çalğıcılarğa yırlarnıñ diñlevlerini ülkeler boyunca közetmege izin bergen Apple Music programmasındaki haritasında Qırımnı Rusiye Federatsıyasınıñ qısmı olaraq tasvir etti.
- İlk küz aynıñ 26, "BBC World" “ukrain olmağan” Qırımnen Ukraina haritasını yayınlağan.
- 2021 senesi saban ayında AB siyasetinde mutehassıs olğan avropalı media-ağı, Ukrainanı Qırımsız tasvir etti.
Bizni Telegram’da oquñız
