Bunı “Sarı şerit” öz Telegram kanalında bildire. 

Daa çoq sarı şerit, ukrain risalesi ve grafiti Aqmescit, Kezlev ve Yaltada peyda olğan. 

Daa faaller naqliyatta tedbirni başlatıp, trenler ve avtobuslarda ukrain grafitilerni çızalar. 

“Raşistler Qırımda ukrain vatanperverlerni qıdırğanları aqqında haberimiz bar, sarı ve mavı boyalarnı satın alğan er kesni qayd etmege işğal akimiyeti ile emir etilgeni aqqında da bilemiz. Amma bizni toqtatmazlar! “Sarı şeriti” areketi, endi tıldan ziyade çalışmaqtadır, vaqtınca işğal etilgen bütün territoriyalarında 17 biñden ziyade faali bizge qoşulğan ce bu raqam kün-künden arta”, - denile beyanatta. 

Menba: t.me/yellowribbon_ua

Belli olğanı

• Salı künü, saban aynıñ 28 “Sarı şeriti” cemiyet tirenüviniñ areketi, Brükselde Avropa parlamentinde areket faallerinen birdemlik tedbirini keçirgen. Avropa deputatları ve diplomatları işğalge tirenüvini köstermek maqsadınen sarı şeritlerniñ resimlrni çızğan ediler. 
• İşğal etilgen Qırımda tirenüv areketi arta: vatanperverler çiçeklerni Taras Şevçenko abidesi yanında qoyalar, Rusiye büyük bayrağını bozalar, parklarda sarı şeritlerni asalar ve dağlarda ukrain tarfdarlığını köstergen yazılarnı qaldıralar. 
• Vaqtınca işğal etilgen Qırımda “Sarı şerit”i cemaat tirenüvi areketiniñ faalleri, rusiye işğalcılarına yaqın vaqıtta yarımadanıñ Ukraina nezaretine qaytaruvı aqqında muntazam sürette hatırlatmağa devam eteler. Bu sefer ukrain tarafdarlığını köstergen risaleler, grafiti ve şeritler Gvardeyskoye, Aqyar ve Kefede peyda oldılar. 
• Soñki afta içinde “Sarı şerit” areketi, işğal etilgen Qırımda rağbet qazanğan. Aqyarda, Yaltada ve Aqmescitte “Ukrainanıñ bir yüregi” fleşmobınıñ yürek yarıları, şeritler ve kartalar körülgen edi.

Bizni Telegram’da oquñız