Meclis, HOK’ni rusiye ve aqrusiye sportçılarnı 2024 Olimpik oyunlarına kirsetmemege çağıra
Qırımtatar halqnıñ Meclis prezidiyası, Halqara olimpik komitetini rusiye ve aqrusiye sportçılarını 2024 senesi Parisde keçecek olğan Olimpik oyunlarına bitaraf bayrağı astında kirsetmemege çağıra, çünki bu ülkelernen olarnıñ iştirağı, ukrainler ve qırımtatarlarnıñ genotsidiniñ aqlaması içün qullanılacaq.
Bunıñ aqqında Meclis başı Refat Çubarovnen öz Facebook saifesinde paylaşılğan arizasında denile.
2024-Olimpiadasındaki bütün iştirakçılarnıñ rusiye tecavuzı, mustaqil devletlerniñ territoriyalarnıñ zapt etüvi, milliy basqılıq ve taqip etüvlerine dair olarnıñ teşkerüvini keçirmege çağırıla.
Arizada daa şusı qayd etile ki, rusiye vatandaşı, Ukrainada cenkke qarşı yöneliş etken areketlerni yapmağan, Rusiyeniñ arbiy ciayetlerni mahküm etmegen, Qırımnıñ işğaline qarşı çıqmağan olsa, onıñ mevamı Kremlniñ resmiy mevamı kibi sayılmaqtadır.
“Qırımtatar halqnıñ Meclim prezidiyası, Halqara olimpik komitetiniñ (HOK) icraiy komitetini rusiye ve aqrusiye sportçılarnı er bir alda 2024 Olimpik oyunlarına kirsetmeyip 2024-Olimpiadadaki bütün iştirakçılarnıñ tecavuz areketleri, mustaqil devletlerniñ territoriyalarnıñ zapt etüv ıntıluvları, Olimpik hartiyasını bozğan ve Olimpizmniñ esas ümdelerni ve eñ müim qıymetlerni viran etken işğal etilgen Qırımda olğan vaqialarınen beraber milliy baqılıqlar ve taqip etüvlerine olarnıñ olabilgen destegine dair teşkerüvini keçirmege çağıra”, - qayd etiler Mecliste.
Bizni Telegram'da oquñız
