Bunıñ aqqında “Sarı şerit” öz Telegram kanalında bildire. 

“Avropalı parlamentteki deputatları balaban baneri üstünde öz ellerinen sarı şeritniñ grafitileriniñ resimlerini yapıp oldılar. Tedbirni “Sarı şeriti” tirenüv areketiniñ vekili Yaroslav Bojko, AB’de Ukraina vekili Vsevolod Çentsov, Litvaniyadan AP deputatı Pâtras Auştrâviçüs ve Poloniyadan avropalı deputatı Anna Fotıga açtılar”, - denile beyanatta. 

Banerde sarı şeritlerniñ resimlerni 14 ülkeniñ vekili yapqan: Bulğaristan, Belçika, Yunanistan, Estoniya, Danimarka, Latviya, Litvaniya, Almaniya, Poloniya, Romaniya, Slovakiya, İsveçiya, Çehiya ve Frenkistan. 

Menba: t.me/yellowribbon_ua

Belli olğanı

• “Sarı şeriti”, grajdan tirenüviniñ areketi, işğal etilgen Qırımdan yañı faallerinen toldurılmağa devam ete. Böyleliknen, soñki dört kün içinde Aqyar, Aqmescit, Yalta ve Keriçten 80 faali qoşulğan. 
• İşğal etilgen Qırımda tirenüv areketi arta: vatanperverler çiçeklerni Taras Şevçenko abidesi yanında qoyalar, Rusiye büyük bayrağını bozalar, parklarda sarı şeritlerni asalar ve dağlarda ukrain tarfdarlığını köstergen yazılarnı qaldıralar. 
• Vaqtınca işğal etilgen Qırımda “Sarı şerit”i cemaat tirenüvi areketiniñ faalleri, rusiye işğalcılarına yaqın vaqıtta yarımadanıñ Ukraina nezaretine qaytaruvı aqqında muntazam sürette hatırlatmağa devam eteler. Bu sefer ukrain tarafdarlığını köstergen risaleler, grafiti ve şeritler Gvardeyskoye, Aqyar ve Kefede peyda oldılar. 
• Soñki afta içinde “Sarı şerit” areketi, işğal etilgen Qırımda rağbet qazanğan. Aqyarda, Yaltada ve Aqmescitte “Ukrainanıñ bir yüregi” fleşmobınıñ yürek yarıları, şeritler ve kartalar körülgen edi.

Bizni Telegram’da oquñız