Bunıñ aqqında muhtariyet prokuraturası, Telegram’daki resmiy kanalında bildire. 

Qabaatlanğanlar Qırımnıñ işğalinden evel UTH hadimleri ediler. 2014 senesi yuqarı tahqiqiy cinayet mütehassısı ve Qırım boyunca işğal FTH I kategoriyasınıñ mütehasıssı (ekspert) vazifelerni alıp Rusiye tarafına keçtiler. 

“Söz serbestligi, basqılar ve Qırımda jurnalistlerniñ aqqınıñ bozuluvına dair işğalcı devletiniñ siyasetini kerçekleştirip “uquq qoruyıcılar” ukrain jurnalistniñ mütehasısslıq faaliyetine köre, ya aynen işğalden soñ yarımada territoriyasında vaqialarnı obyektiv sürette köstergen vaqialarnen bağlı maqalelerniñ neşir etüvi sebebinden onı cinaiy tarzda taqip etken ediler”, - denile beyanatta. 

Ayrıca, ruhiy basqınıñ eda etilmesi içün olar 2015 senesi saban ayında Krasnogvardeyskoye rayondaki jurnalist ve onıñ ana-babasınınıñ dairesine qanunsız sürette kirip tintüv keçirdiler. Onı mesken yerniñ saipleriniñ iradesiniñ yoq etüvine baqmadan ve isyanlıq olğan alda tecavuznıñ qullanuvınıñ qorqutuvlarınen keçire ediler. 

Tintüvler vaqtında qabaatlanğanlar olarğa aqiqaten yoq olğan şeyler ve vesiqalarnı alıp bermege talap etken ediler, bar olğan ve jurnalistke ait olıp onıñ mütehasıss faaliyetinen bağlı olğan soylarnı ise - musadere etkenler. Keççe qadınğa Qırım territoriyasına kirüvini sıñırlanğanlar. 

“Qabaatlanğanlarnıñ areketleri evelki añlaşması ile şahıslarnıñ zümresinen mütehasıss vazifelerniñ eda etilmesi içün jurnalistniñ taqip etüvi (Ukraina CK 171 m. 2 q.), evge qanunsız kirüvi, tecavuznıñ qullanuvınıñ qorqutuvınen onıñ içinde tintüvniñ keçirilmesi (Ukraina CK 162 m. 2 q. 28 m. 2 q.), devlet hainligi (Ukraina CK 111 m. 1 q.) kibi qayd etilgenler. Eñ ağır maddeiniñ sanktsiyası, on beş yılına qadar müddetine azatlıqtan marum etüvini köz ögünde tuta”, - haber etti QMC prokuraturasınıñ matbuat hızmeti. 

Belli olğanı

• Sabina aynıñ 22 qanunsız sürette mahküm etilgen jurnalisti İrina Daniloviç, Aqmescitteki taqiqat tevqifhanesinde quru açlığını ilân etti.
• Vaqıtnca işğal etilgen Qırımda azatlıqtan marum etüv yerlerinde 16 grajdan jurnalisti bulunmaqtadır, olardan biri - makeme ceryanlarnı yayınlağan, tibbiyet saası aqkında tarif etken qadın İrina Daniloviç. O, öz jurnalist faaliyeti içün taqip etilgen yekâne qadınıdır. Şimdi jurnalist, Aqmescit taqikhat tevqifhanesinde qanunsız sürette tutıla. 

Bizni Telegram'da oquñız