Tirenüv areketi, artmağa devam ete: soñki dört kün içinde Qırımda faallerniñ sayısı, tahminen yüzge artqan
18:12, 28 Sabanay
Foto menbası: t.me/yellowribbon_ua
“Sarı şeriti”, grajdan tirenüviniñ areketi, işğal etilgen Qırımdan yañı faallerinen toldurılmağa devam ete. Böyleliknen, soñki dört kün içinde Aqyar, Aqmescit, Yalta ve Keriçten 80 faali qoşulğan.
Bunıñ aqqında “Sarı şerit” öz Telegram kanalında bildirdi.
Tirenüv areketiniñ malümatlarına köre, yañı faalleri Qırım şeerlerinde tahminen 100 grafiti boyaladılar ve qararnen 300 sarı şeritni bayladılar.
“Baylanılğan sarı şerit - Qırımda öz irade ve rusiye işğalinden mustaqilligi oğrunda küreşmege ukrain halqınıñ ıntıluvlarınıñ tasdığıdır”, - denile beyanatta.
Menba: t.me/yellowribbon_ua
Belli olğanı
- İşğal etilgen Qırımda tirenüv areketi arta: vatanperverler çiçeklerni Taras Şevçenko abidesi yanında qoyalar, Rusiye büyük bayrağını bozalar, parklarda sarı şeritlerni asalar ve dağlarda ukrain tarfdarlığını köstergen yazılarnı qaldıralar.
- Vaqtınca işğal etilgen Qırımda “Sarı şerit”i cemaat tirenüvi areketiniñ faalleri, rusiye işğalcılarına yaqın vaqıtta yarımadanıñ Ukraina nezaretine qaytaruvı aqqında muntazam sürette hatırlatmağa devam eteler. Bu sefer ukrain tarafdarlığını köstergen risaleler, grafiti ve şeritler Gvardeyskoye, Aqyar ve Kefede peyda oldılar.
- Soñki afta içinde “Sarı şerit” areketi, işğal etilgen Qırımda rağbet qazanğan. Aqyarda, Yaltada ve Aqmescitte “Ukrainanıñ bir yüregi” fleşmobınıñ yürek yarıları, şeritler ve kartalar körülgen edi.
Bizni Telegram’da oquñız
