Qırımda işğalcılarnen işdeşlikte buluna edi: Ukrainada cenkâver areketler vaqtında satqın deputatını yoq ettiler
Sumı vilâyetinde doğğan ve 2014 senesi Qırımda işğalcılarnen işdeşlik yapmağa başlağan kiçik serjant, satqın deputatı Vitaliy Köstenko, Ukrainanıñ cebesinde yoq etilgen.
Bunıñ aqqında Şçolkino şeeriniñ işğal memuriyeti bildirdi.
Onı saban aynıñ 22 öldürdiler, amma ölümniñ muayen yeri belli degil. Onıñ elâk oluvı aqqında “Şçolkino memuriyetiniñ başı” Vladimir Zagrebelskiy içtimaiy ağlarda tarif etti. Köstenkonıñ ömür arqadaşı ve üç balası qalğan.
Köstenko 1982 senesi doğğan. Sumı vilâyetinde Krasnopilye rayondaki Glıbove köyüniñ asılı ola. 2007 senesi Yaltadaki Qırım gumanitar universitetiniñ bitirgen. 2014 senesi ilk küz aynıñ başından beri içimliklerniñ satuvı boyunca “Favorit” SMT’ni idare etken edi.
Qırımnıñ zapt etüvi vaqtında Köstenko, duşmannıñ tarafına keçip Lenin rayondaki Şçolkino şeeriniñ “deputatı” ve “ekâne Rusiye” fırqasınıñ azası olğan. Daa erkek, “Qırımnıñ halq mudafaasınıñ veteranlar birligi”niñ reberi edi.
2018 senesi çiçek ayından başlap “Avrora” SMT’niñ baş müdiri, ve 2021 senesi ilk küz ayından beri “Aktaş” bağçalıq teşkilâtındaki idaresiniñ başı edi.
Bundan da ğayrı, Köstenko, Rusiye Mudafaa nazirliginden medallerniñ sırasını alğan: “Qırımnıñ qaytuvı içün”, “Qırım Cumhuriyetiniñ Halq Mudafaasınıñ Göñülline”, “Qırımnıñ qorçalavı içün” ve “Rusiyenen Qırımnıñ birleştirüvinde yararlıqlar içün”.
Bizni Telegram'da oquñız
