Bunı Suspilne Qırım bildire.

Sergi, B. Hmelnitskogo, 7 soqagında” “Kiyev tarihınıñ müzeyi” adlı Müzey-sergili merkezinde keçecek. Saban aynıñ 30’dan çiçek aynıñ 16 qadar sürecek. 

Leyha reberi ve öz aileniñ facialı tarihı aqqında “Ev yolu” işler sırasınıñ müellifi Lera Litvinova, bu sergi ne aqqında olacağını tarif etti. 

“Evelden deñiz, romantizmden marum etilmegen bitaraf mevzusı sayılmaqta edi. Şimdi cemiyette Qara ve Azaq deñizlerniñ rolüne dair daa çoq aqiqkiy munasebeti peyda ola. Kelecekni ve özümizni nasıl köremiz? Nasıl bağlar yoq etilecek ve yañı aqiqatlarda neni kuracağımız? Ögümizde nasıl çağıruvlar bar ve olarnı nasıl keçmek? Şübesiz, cemiyette deñişüvler oluna ve olunacaq, amma daa o qadar deñişüvi yapılmaq kerek. Keçmişke tesir etip olamamız, amma şimdiki vaqtımıznı cenkleşip eda etip daa eyi kelecekgini qurmaq kerekmiz. Aynı bu sebepten serginiñ adı “Er astı” ola, çünki Qara deñizniñ añdıruvınen üstüne ne qadar çoq müim suali köterile”, - dep añlattı o. 

Litvinovanıñ babası - şuralar akimiyeti ile sürgün etilgen qırım tatarı ola. Qırımnıñ zapt etüvinden beri tarih tekrarlanğanı aqqında aytması mümkün - qırımlılarnıñ çoqusı, öz evlerini terk etip Kiyev ve Ukrainanıñ nezareti astında başqa şeerlerine köçmege mecbur oldılar. 

“Sanatçılar Qara ve Azaq deñizlernen öz munasebetlerinde Ukrainanıñ keçmişi, şimdiki zamanı ve kelecegini tedqiq eteler. Deñiz, tek qırımlılar ve Qara ve Azaq deñizlerniñ yalısındaki sakinleriniñ tarih, medeniyet, iqtisadiyat, siyasetiniñ ayırılmaz qısmı olmağanını añlaması pek müim. Deñiz, bütün ukrainlerniñ turmuş inkişafı ve kelecegi içün esas obyektlerden biri ola. “Kiyev - Ukrainanıñ göñülidir. Aynı paytahta strategik qararları qabul etile, Müzey-sergi merkezi - lâqayt olmağan sanatçılarnıñ sayesinde “ustünlikke” köterilgen müim içtimaiy leyhalar ve zor mevzularnıñ inkişaf etilgen, kerçekleştirileyatqan ve yañı fırsatlarnı açacaq olğan yeri ve saasıdır”, - dedi “Kiyev şeeriniñ tarih müzeyi”niñ müdiri Diana Popova.

Onıñ sözlerine köre, Qara ve Azaq deñizleri ukrainlerni tek ayırılmay, amma birleştire de. Ayrıca bügün, rusiye tcavuzı sebebinden dünya, işdeşlikteki eñ müim iqtisadiy ve medeniy saalardan birini ğayıp etkenini duyulğan vaqtında. Müdir, ukrainler bütün ukrain territoriyalar ve deñizlerniñ eñ tez vaqtında qaytaruvı aqqında arzu etkenini qayd etti. 

Sergide Lera Litvinovanıñ, bu leyha içün muzıkalı eserlerni yaratqan ıskoç bestekârı Maykl Beggniñ, “Qırım taşı” öz abidesinde qırımtatarlarnıñ sürgünlik meselesini kötergen Leonora Yankonıñ işleri taqdim etilgenler, sergini Artur Dronânıñ şiir eserleri de tamamlaylar. 

“Taşlar - er şeyniñ susqan şaitleridir. Daa Özbekistanda bala arzularından tuvğan toprağında muvafaqiyetli yaşayışına qadar Qırımğa öz yolumnı hatırlaraq bu işni yaratqan edim. Deñiz qayaları - bir şeyge baqmadan azimkârlıq ve özüni qolda tutuvınıñ timsalleridir. Deñiz tşları, qayalar menim içün - süküt quvetiniñ, öz fikirinde turmağa qabiliyetiniñ ve esasına riayet etüviniñ timsalidir. Qayalar susqun şaitleri olıp qalalar, amma belki de bir zamanlarda laf etmege başlarlar”, - qayd etti Leonora Yanko. 

Sergi, ziyaretçiler içün çarşenbeden bazar kününe qadar, saat 12:00’den 19:00’ğa qadar irişimli olacaq. Bazarertesi ve salı künleri raatlıq künleridir. Sergi biletlerni saat 12:00’den 18:30 qadar 80 grn ya da imtiyazlı 50 grn ile satın almaq mümkün. 

Bizni Telegram'da oquñız