Bunıñ aqqında The Insider neşriyatınıñ jurnalist tahqiqatında denile. 

Böyleliknen, saban aynıñ 23 Ukraina, qasım ayında rusiye ücümcılarnen sanki dersin “10 künlik raatlığına” Qırımğa alıp ketirilgen 17 balanı qaytarğan, anda balalar yarım yılnı keçirdiler. Yaman şaraitler, taze olmağan aşına şikâyet etken ediler, olarnıñ qısmı ise - qattı munasebetine oğratılğan edi. 

Qaytqan balalardan biri, 16 yaşında olğan Vitaliy, Kezlevdeki bala lagerinde olarnı urıp, qorqutıp mağazda tutqanlarını bildirdi. Fotonı körip yigit, baş aqaretçisi Valeriy Astahovnı tanığan. O, balalarnı mağazğa ketirip, demir zıncırını kösterip Ukrainağa destegi içün uracaq dep qorquta edi. Hersondaki qıznı bu zıncırınen urıp arqasında “şeritli siyarıntısı” qalğanınıñ şaatı olğan. 

Tafsilâtlıca oquñız: ​​İşğal etilgen Qırımda ve Rusiyede 4 aylıq yaşından başlap ukrain balalarnıñ eñ azdan 43 “terbiyelev” merkezini taptılar

“Ozüni padişa bellegendir. “Ukrainadansız, kimge kereksiñiz? Sizlerni internatqa alıp ketirermiz, anda oturıp er şeyni añlarsız”, - degen edi. O vaqıt zalda otura edik ve birev: “Ukrainağa şan-şüret”, - dep qıçırğan - başqası ise: “Qaramanlarğa şan-şüret!”, - dep cevapladı. Olarnı aldılar, amma qısmetlerini bilmeyim. Telükesizliginiñ başı, bayraqlarnı da yaqqan. Qızçıqta tayaçıqta ufaq ukrain ketenini taptılar. Kiyevden ana-babası alıp ketirgenini aytqan. Onı bardaqqa qoyğan, soñra ise perdelerge asqan. Anavı kirip çıqara ve:  ”Hasta hohollar! Rusiyede bulunasız, mında Ukraina iç bir zaman olmaz, yanıp keter. Keliñiz, Ukraina nasıl yanacağını baqacasıñız”, - baarıp aytqan. Bayraqnı çaqmağı ile yandırıp o yañıp ketken”, - tarif etti Vitaliy. 

Neşriyatnıñ malümatlarına köre, 2014 senesi rusiye mediaları “berkut”nıñ sabıq hadimi, balalarnı Slovânsktan Rostov vilâyetine alıp ketirgenini haberdar etken ediler. 38 insan alıp çıqarılğan, bunen beraber 2 aydan 12 yaşına qadar 21 balası. 

Astahov, Ukraina İİN’de hızmet etken edi, yarımadanıñ işğalinden soñ ise - rusiye pasportını alıp kezlevdeki işğal İİN’niñ hızmetine keçken. “Barıştırıcı” malümat bazasında bulunmaqtadır. 

Aynı zamanda The Insider haber etkeni kibi, Astahov aqqında tarif etken yigit daa bir qızçıqnen beraber lagerden eki künge qaçqan ediler, amma “polis”, olarnı tapıp qaytardılar. Olarnı, olar Ukrainağa iç bir zaman qaytmacaqlar ve ana-babaları olardan sanki dersin vazgeçkenleri sebebinden olarnı ögey ailelerine alıp bererler dep qorqutmağa başladılar. 

Tafsilâtlıca oquñız: İşğalcılar Herson vilâyetindeki balalarnı Qırımğa sürgün eteler - ISW 

“Anam lager müdirine telefon açıp: “Ne saçmalaysıñız? Böyle kibi bir şeyni aytmağan edim! Balalarğa ne içün yalan aytasıñız?”, - degen. “Olarnı ep bir alıp olamazsıñız. O, Rusiyeniñ balaları olacaq”, - dep cevapladılar. Bizni Rusiye gimni yırlamağa, rusiye ketenini tutıp onı bayraq tayağına kötermege mecbur etken ediler, amma biz bunı yapmağan edik. Gimn metinini atıp: “Ezberleñiz, yarın tarif eteceksiñiz”, - dey ediler. Amma soñ bunı unutqanar. Mağazda tutqan ediler. “Ukraina tarafdarları olasız, kerek degilsiñiz!”, - ayta ediler. Bir qıznı dört saat tuta ediler”, - tarif etti 16 yaşında olğan yigit. 

Daa tutuvnıñ yaman şaraitleri edi: temizleyici olmağan edi, buna köre, balalarnı ayatlarnı cıyştırmağa mecbur etken ediler, odalarda toşek çamaşırı olmağan edi, kirli minderinde ve boş yastığında yuqlay edik, ne rozetka ne yarığı da bar edi. 

2022 senesi ilk qış aynıñ soñuna qadar qırım bala lagerlerniñ müdirleri herson balalarnı evge cibermegenleri belli oldı. “Cenk balaları” devlet portalınıñ saytında rusiyelilernen ya öz, ya da işğal etilgen territoriyasına alıp çıqarılğan 16 207 ukrain balanıñ hırsızlavı aqqında haber etile. Ukrainağa tek 308 qaytarılıp oldı. 

Tafsilâtlıca oquñız: Ukraina, işğalcılarnen RF ve Qırımğa mecburiy tarzdı alıp çıqarılğan 16 balanı qaytarğan

Belli olğanı 

• Vaqtınca işğal etilgen Aluştada rusiye bayrağınıñ yoq etüvinen videonıñ ağda paylaşması içün dört talebeni tutıp alıp esapqa aldılar. 
• İşğal etilgen Qırımda işğalcılarnıñ mahsus avlasını idare etken sabıq “berkutcısıni” devlet hainliginde şübesi aqqında bildirdiler.
• Saban aynıñ 17 Gaagadaki Halqara cinaiy makemesi, rusiye diktatorı Vladimir Putin ve bala ombudsmeni Mariya Lvova-Belovanıñ tevqifine orderni berip olar Ukrainadan balalarnıñ mecburiy alıp çıqarılması içün mesülietli olğanlarını ilân etti. 

Bizni Telegram'da oquñız