Bunıñ aqqında Büyük Britaniyasınıñ Mudafaa nazirligi Twitter’de bildirdi. 

“Âñı ücümlar, iç bir arbiy obyektine iç bir zararını bermegenine baqmadan, suv üzerindeki uçucısız uçaq aletlerniñ tarafından olğan telükesi, Rusiyeniñ Qara deñiz bahriyesiniñ ameliyatlarnı sıñırlamağa devam ete, ğaliba”, - denile beyanatta. 

Böyleliknen, saban aynıñ 22, eñ azdan üç uçucısız uçaq aleti ve ava dronı, Aqyarda işğalcılarnıñ arbiy deñiz bazasını ücüm etmege tırışqan ediler. Rusiyelilerniñ resmiy versiyasına köre, bir UUA, mudafaa qoralanuvları sebebinden toqtağan, başqalarnı ise işğalcılar yoq ettiler. Bunen beraber, rusiye gemileri bozulmağandır. 

Britaniyalı idaresinde şunı hatırlattılar ki, 2022 senesi orta küz aynıñ 29 Aqyarda suv üzerindeki UUA’niñ daa bir ücümi olğan edi, onıñ neticesinde “İvan Golubets” ve “Admiral Makarov” gemileri bozulğanlar. 

Belli olğanı

• Saban aynıñ 22, işğal etilgen Aqyarda gece patlavlarnıñ sırasından soñ şeerniñ akimiyet degeni, RF Qara deñiz bahriyesine dronlarnıñ ücümi aqqında bildirdi. Deñiz ve UUA ava nişanları aqqında söz kete eken. 
• Bazarertesi künü, saban aynıñ 20 işğal etilgen Cankoyda patlavlar eşitilgen edi. Ağda bildirgenleri kibi, anda uçucısız uçaq aletlerni körgen ekenler. Bunen beraber, Ukraina İstihbaratınıñ baş idaresiniñ malümatlarına köre, patlav yerinde “Kalibr” rusiye qanatlı raketaları yoq etilgen ediler. O, olarnıñ başqa yerge keçirilüvi vaqtında olğan. 

Bizni Telegram’da oquñız