Bunıñ aqqında “Muim ikâyeler” neşriyatı haber ete. 

Qayd etilgeni kibi, Aksönov, rusiye reberligi arasında “Putinniñ aşcısı” ve “Vagner” ŞAK saibi Yevgeniy Prigojinnen sıqı bağda bulunğanlardan biridir. İşğal etilgen Qırımda ayrı arbiy taqımını beraberlikte teşkil etkenler, ğaliba. 

Bu yılnıñ saban ayında Aksönov, qırım telekorüviniñ yayısında işğal etilgen Qırımda yañı arbiy bölüginiñ peyda oluvı aqqında tarif etti. KHV tasdıq etkenleri kibi, “Konvoy” şahsiy arbiy kompaniyası aqqında denile. 

Tafsilâtlıca oquñız: İşğal etilgen yarımadasınıñ territoriyasında yañı rusiye ŞAK teşkil etüviniñ maqsadı ne: ekspertniñ fikiri

Telegram’da aynı tarzda adlanılğan kanalı peyda olğan, anda ŞAK’na kirmege çağıruvlar ve propagandalı metinler paylaşıla. 

Neşriyatnıñ malümatlarına köre, aqiqaten “Konvoy! - arbiy cenkâver yedegidir (COS). İştirakçılar eki muqaveleni imzalaylar - ŞAR ve “Mudafaa nazirliginen”. Azalardan biriniñ sözlerine köre, hadimlerniñ aylığı - tahminen 200 biñ ruble, reberliginiñ - 300 biñ. Bundan da ğayrı, “Qırımda ya da Abhaziyada” topraqnı vade eteler. 

Sergey Aksönov “Konvoy” mevzimlerinde. Telegram/ Aksönov Z 82

Neşriyat qayd etkeni kibi, bölüginiñ terkibinde tahminen 300 şahıs hızmet ete. “Konvoy” mevzimleri Qırımnen yañında olğan Herson vilâyetinde bulunmaqtalar. 

“O, Aksönovnıñ ŞAK, amma reberliginiñ episi - Vagner ŞAK’nıñ sabıq hadimleridir. Episi - bir birinen tanış olğanlarıdır”, - “Konvoy”nıñ sabıq hadimi. 

KHV, ŞAK işinen Prigojinniñ sağ qolı “Mazay” adlı Konstantin Pikalov oğraşqanı tayin etti. O, daa Afrikada “Vagner” ŞAK’nıñ reberi ola. 

Konstantin Pikalov. Foto: Rusiye 24

“Konvoy”nıñ daa bir reberi, onıñ atası “kozak ve II nikolay imperatornıñ  ve Mariya Födorovna qıraliçesiniñ şahsiy qoruyıcısı olğanını bildirgen Vasiliy Yaşçikov ola. 

Vasiliy Yaşçikov. Foto: Rusiye 24

Bizni Telegram'da oquñız