Bunıñ aqqında Suspilne Qırımnı Eldar Kantemirovnıñ ömür arqadaşı bildirdi. 

Qayd etkeni kibi, olarnen beraber yollanılacaq olğan, amma yetiştirilmegen oğlannı tutalar. 

“Bir müddeti bitkence, farqlı sebeplerni qullanıp onı birden uzatalar. İçtimaiy nezaret komissiyası, prokuraturağa yazğan edim. Olar kelgen ediler, amma çaresiz”, - tarif etti Elvina Üseinova. 

Eldar Kantemirovnıñ sözlerine köre, o, qırımtatarlar ve Ukraina vatandaşlarına qarşı FTH emiridir. 

“Olarnı olar özüni qaysı devletiniñ vatandaşları sayalar, Qırım kimge ait sorıp bir qaç sefer sorğuğa oğrata ediler. Olar öz mevanı deñiştirmeyler”, - dedi siyasiy mabusınıñ ömür arqadaşı. 

Üseinova, olarğa aynı Ukraina vatandaşlarına dair sert munasebetinde bulunğanlarını aqiqatını jurnalistler köstersinler dep istegini bildirgen. 

Rusiye makemesi, Kantemirovnı 12 yılğa azatlıqtan marum etti, Yalkabovnı - 17 yılğa. 

Belli olğanı 

• 2017 senesi Eldar Kantemirov, qırımtatarlarnıñ milliy ve diniy alâmetine köre olarğa dair basqılarına qarşı çıqıp “Qırım tatarları - terroristler degiller” plakatınenen öz başına numayışınen çıqqan. Bu sebepten 10 biñ ruble miqdarında cöreme ödetken ve Qırımnı terk etsiñ dep işaretleri bar edi. 
• 2019 senesi kiraz aynıñ 10 Qırımda Aluşta ve Qarasuvbazar rayonlarında 8 tintüv keçken, olarnıñ neticesinde 8 qırım tatarı tevqif etilgen, olardan biri Eldar Kantemirov bar edi. 
• 2021 senesi arman aynıñ 16 Roman Saprunov şahısında Cenübiy arbiy bölge makemesi, Hizb ut-Tahrir “aluşta taqımnındaki” iştirakçıları Ruslan Nagayev, Eldar Kantimirov, Ruslan Mesutov ve Lenur Halilovğa üküm çıqardılar. Erkeklerni terroristik faaliyetinde qabaatlavı boyunca qattı intizamlı koloniyasında 13, 12 ve 18 yılğa azatlıqtan marum etüvine mahküm ettiler. 
• Qırım MC ve Aqyar ş. prokuraturası işğal etilgen Qırım yarımadasınıñ territoriyasında qırımtatarlarnıñ qanunsız taqip etüv, azatlıqtan qanunsız marum etüv ve qanunsız tintüvlerniñ faktlarına esaslanıp cinaiy davalarında usul idaresini ete.

Bizni Telegram'da oquñız