Bunı idareniñ matbuat hızmeti bildire. 

Saban aynıñ 22 işğalcılarnen qanunsız sürette yedi yılğa azatlıqtan marum etüvine mahküm etilgen İrina Daniloviç, “onıñ teşkerüv ve tedaviyliginiñ başlanuvınıñ teşkil etüvine ta da onıñ soñki nefesine qadar” quru açlığını ilân etken. 

Tafsilâtlıca oquñız: Qanunsız sürette mahküm etilgen jurnalisti İrina Daniloviç, Aqmescitteki taqiqat tevqifhanesinde quru açlığını ilân etti

“Siyasiy mabusları Konstantin Şıring ve Cemil Gafarovnen olğanı kibi, acele ve kompleksli tedaviyliksiz hastalığı ölümge ketirebilgen grajdan jurnalistniñ gospitalizatsıyasını deral temin etmege çağıramız”, - denile TİN arizasında.

Tafsilâtlıca oquñız: Uquq qoruyıcılar qanunsız tarzda mahküm etilgen jurnalist İrina Daniloviçniñ gospitalizatsıyanı temin etip onı serbest etmege çağıralar

Ukraina TİN, “devlet hainliginde” qabaatlavı içün 12 yılğa qanunsız sürette mahküm etilgen Ukraina vatandaşı Stanislav Stetsenkoğa makeme qararınıñ ameldeki olğanınıñ qaldıruvına dair Soçi şeerindeki satqınlıq istinaf makemesiniñ qararı sebebinden numayış bildirdi. 

Tafsilâtlıca oquñız: USQ’ne malümatlarnı alıp bere edi: işğalcılar Aqmescit sakinini 12 yılğa mahküm ettiler

TİN, halkqara cemiyetni ve Halqara Qırım platformasınıñ çerçivelerinde Ukraina ortaqlarını Qırımda işğal rejiminen qanunsız tarzda apis etilgen bütün ukrain vatandaşlarnıñ deral serbest etüv maqsadınen Rusiyege basqını devam etip Ukraina vatandaşlarnıñ taqip etüvlerine alâqalı olğan memuriy şahıslarına dair sanktsıyalı sıñırlamalarnı kirsetmege çağıra. 

Belli olğanı

• Faal ve cemaat jurnalisti İrina Daniloviç, çiçiyek aynıñ 29 vaqtınca işğal etilgen Qırımda işten qaytqanda ğayıp oldı. Aynı künü Kefe yanında olğan Vladislavivka köyündeki onıñ ana-babasınen beraber yaşağan evinde işğal quvetçileri tintüv keçirip, onıñ telefonnı ve tehnikasını musadere ettiler. 
• Daniloviçniñ hırsızlavınıñ, Tecavuziy ğayıp oluvlardan bütün şahıslarnıñ qoruması aqqında Halqara qararına binayen tecavuziy ğayıp oluvınıñ alâmetleri bar. 
• Ukrainanıñ cemaat ve medialı teşkilâtları Daniloviçniñ serbest etüvini talap eteler.
• Qırım MC ve Aqır şeeriniñ prokuraturası, işğal etilgen Qırımda grajdan faaliniñ tutıp aluvı ve qanunsız tintüvlerine dair cinaiy davasını açqan. 
• Vaqıtnca işğal etilgen Qırımda azatlıqtan marum etüv yerlerinde 16 grajdan jurnalisti bulunmaqtadır, olardan biri - makeme ceryanlarnı yayınlağan, tibbiyet saası aqkında tarif etken qadın İrina Daniloviç. O, öz jurnalist faaliyeti içün taqip etilgen yekâne qadınıdır. Şimdi jurnalist, Aqmescit taqikhat tevqifhanesinde qanunsız sürette tutıla. 

Bizni Telegram’da oquñız