Bunıñ aqqında “Qırım birdemligi” bildire. 

“FTH, onı 2023 senesi uvut aynıñ 23 Bağçasaray rayonında demiryolnıñ ozuluvı aqqında beyanatlarnıñ sebebinden keçirdiler. Tahqiqiy tedbiriniñ bitüvinden soñ onı oğlusınen beraber FTH’ne alıp ketirdiler. Bunı yerli faaller bildirdiler”, - denile beyanatta. 

Tafsilâtlıca oquñız: İşğalcılar partizan areketinden pek qorqalar: uquq qoruyıcı qırımtatarlarnıñ tintüv sebepleri aqqında tarif etti

Malümatnı qırımtatar halqnıñ Meclis başı Refat Çubarov da tasdıq etti. 

“İşğal etilgen Qırımda, Bağçasarayda, rusiye cezalandırıcıları qırımtatar halqnıñ Qurultay namzeti Mustafa Mustafayevniñ evine kirdiler. Tintüv keçirile”, - yazdı o. 

Çubarov qayd etkeni kibi, böyle areketlerni rusiye quvetçileri musulmanlar içün aziz olğan Ramazan aynıñ ilk kününde keçireler. 

Belli olğanı 

• Uvut aynıñ soñundan beri böyle kibi levhasına köre, FTH hadimleri endi bir qaç adresine kelgenler. 
• Saban aynıñ 15 Qırımnıñ Aqmescit rayondaki Urojaynoye köyünde FTH işğal hadimleri uvut aynıñ 23 Bağçasaray rayondaki demiryolnıñ bozuluvı aqqında beyannamesi sebebinden faal ve grajdan jurnalisti Rolan Osmannıñ evinde tintüv keçirdiler. Onı Aqmescitteki FTH idaresine alıp ketirdiler. 
• Saban aynıñ 12 Urojaynoye köyünde işğal quvetçileri qırımtatar halqnıñ Qurultay namzeti Lemmar Yunusovnıñ evinde tintüv keçirdiler. 
• Uvut aynıñ 28 FTH hadimleri Qırımdaki Aqmescit rayonında Soyin Celilovnıñ evinde ediler, saban aynıñ 6 - Suvdağda Edem Murtazayevniñ evinde, saban aynıñ 9 operativ hadimleri daa eki qırım tatarı - Qırımdaki Krasnogvardeyskoye rayonında Memet Aşurovğa ve Qırımda bulunmağan Asan Abduramanovğa kirdiler. Saban aynıñ 11 Ahtem İsmailovnıñ evine. Olarnıñ episi, Poştovoyedeki demiryolnıñ bozuluvına er bir alâqasını red ete. 
• Uvut aynıñ 24 ukrainler ve qırımtatarlarnıñ arbiy-partizan areketi “Ateş, vaqtınca işğal etilgen Qırımda Poştove köyü yanında demiryolnıñ qısmını patlağanlarını bildirdi. 

Bizni Telegram’da oquñız