Qırımda radioda evakuatsiya ve telüke işaretine dair tevsiyelerni ilân ettiler, işğalcılar “cinayetçilik” aqqında bildirdiler
Qırımda hakerler bir qaç rusiye radiostantsiyasını açıp işğal etilgen yarımadanıñ sakinlerini “telüke çantalarnı” toplap RF’na evakuatsiyasına azırlamağa çağırdılar.
Bunıñ aqqında yarımadanıñ işğal akimiyetiniñ başı Oleg Krüçkov öz Telegram kanalında yazğan.
Qayd etilgeni kibi, yerli taqımlarda avtomobiller aydayıcılarnen yazılğan videoları peyda olğanlar.
“Telüke işaretiniñ ilân etüvi vaqtında deral eñ yaqın sığınağına ketiñiz, panelli binalar, kritik ve arbiy inşaat obyektlerinden uzaq turıñız, belli olmağan nesnelerni yerden almañız - patlaybileler. Eñ kerek olğan şeylerniñ sırasınen qullanuvına azır olğan “telükeli çantası” yanıñızda olmalı. Öz maşnası içün benzin yedekleri olmalı. Fevqulâde vaziyetlerde Rusiye Federatsiyasınıñ qıtaiy qısmınen kerek olğan uzlaşuvı içün evakuatsiya gemi yollanuvı teşkil etilecektir”, - böyle ihtar işğal etilgen Qırımnıñ sakinleri içün yayınlandırılğan edi.
Oleg Krüçkov qayd etkeni kibi, qorqutuvlar aqqında beyanatlar yalandır. Şimdi işğalcılar radio cihazlarnı sondürip cinayetçilik sebebini yoq etmege tırışalar.
Aqyarnıñ işğal “gubernatorı” Mihail Razvojayev, öz Telegram kanalında Ukraina, “uçucısız uçaq aletiniñ muvafaqiyetli yoq etüvi” sebebinden radiostantsiyalarnıñ açuvınen “malümat ücümini” başlağanını qayd etken.
Belli olğanı
- Saban aynıñ 22, işğal etilgen Aqyarda gece patlavlarnıñ sırasından soñ şeerniñ akimiyet degeni, RF Qara deñiz bahriyesine dronlarnıñ ücümi aqqında bildirdi. Deñiz ve UUA ava nişanları aqqında söz kete eken.
- Bazarertesi künü, saban aynıñ 20 işğal etilgen Cankoyda patlavlar eşitilgen edi. Ağda bildirgenleri kibi, anda uçucısız uçaq aletlerni körgen ekenler. Bunen beraber, Ukraina İstihbaratınıñ baş idaresiniñ malümatlarına köre, patlav yerinde “Kalibr” rusiye qanatlı raketaları yoq etilgen ediler. O, olarnıñ başqa yerge keçirilüvi vaqtında olğan.
Bizni Telegram’da oquñız
