Bunıñ aqqnda ZMINA neşriyatına jurnalistniñ babası Bronislav Daniloviç bildirdi. 

Qayd etkeni kibi, İrina Daniloviçniñ sağlıq alı, kerginleşmege devam ete ve tanışuv kününi başqa künge tayin etmege rica etken, çünki areket qabiliyetini sıq coyıp esini coyacaq alına yaqın. 

“Buna baqmadan, taqiqat tevqifhanesinde başqa yerge keçirilüvi içün onıñ tibbiy maniaları yoq olğanı aqqında vesiqalarnı resmiyleştirdiler. Dava malümatlarnı “istinaf makemesine” tezce alıp bermek içün olarnen tanışuv ceryanını bugün bitirmege “makemeniñ” isteginen bağlı”, - denile beyanatta. 

Belli ki, başqa yerge keçirilüvi vaqıtnda jurnalist, eñ azdan bir kere esini  coyğan edi.

Bronislav Danileviç. Qırım birdemligi

Bundan bir afta evel İrina Danileviçniñ tibbiy baquvı ötkerilgen, keskin ötit sebebinden bu baquvına keçken yılnıñ soñundan beri ihtiyacı bar.

Babası haber etkeni kibi, baquvnıñ numayış-formal tabiatı olıp diagnoznıñ ifade etüvine tesiri olmağan edi. Taqiqat tevqifhanesiniñ memuriyetinen kirsetilgen otolaringolog ekimi bildirgeni kibi, jurnalistni lor doktorına degil, ruhiyat ekimine yollamaq kerek edi. Hastalıqnıñ tabiatı ve tedaviylev usulları aqqında iç bir tibbiy neticesini yapmağan. 

“Omür içün telükeli kerginligine köre, jurnalistniñ imaye tarafı, RF Cinaiy kodeksiniñ 124 m. boyunca (ciddiy sebepsiz hastağa yardımnıñ berilmemesi)  cinayeti aqqında beyanatlarnı tizmege planlaştıra”, - qayd etile beyanatta.

Belli olğanı

• Faal ve cemaat jurnalisti İrina Daniloviç, çiçiyek aynıñ 29 vaqtınca işğal etilgen Qırımda işten qaytqanda ğayıp oldı. Aynı künü Kefe yanında olğan Vladislavivka köyündeki onıñ ana-babasınen beraber yaşağan evinde işğal quvetçileri tintüv keçirip, onıñ telefonnı ve tehnikasını musadere ettiler. 
• Daniloviçniñ hırsızlavınıñ, Tecavuziy ğayıp oluvlardan bütün şahıslarnıñ qoruması aqqında Halqara qararına binayen tecavuziy ğayıp oluvınıñ alâmetleri bar. 
• Ukrainanıñ cemaat ve medialı teşkilâtları Daniloviçniñ serbest etüvini talap eteler.
• Qırım MC ve Aqır şeeriniñ prokuraturası, işğal etilgen Qırımda grajdan faaliniñ tutıp aluvı ve qanunsız tintüvlerine dair cinaiy davasını açqan. 
• Vaqıtnca işğal etilgen Qırımda azatlıqtan marum etüv yerlerinde 16 grajdan jurnalisti bulunmaqtadır, olardan biri - makeme ceryanlarnı yayınlağan, tibbiyet saası aqkında tarif etken qadın İrina Daniloviç. O, öz jurnalist faaliyeti içün taqip etilgen yekâne qadınıdır. Şimdi jurnalist, Aqmescit taqikhat tevqifhanesinde qanunsız sürette tutıla. 

Bizni Telegram'da oquñız