Qırımda yañı tintüvler ve habersiz ğayıp olğanlar – Suspilnde’de “Qırım meselesi”
Rusiye, Qırım tamır halqınıñ vekillerine dair yañı cinaiy işlerini nasıl sahteley? Advokatlarnıñ faaliyetine nasıl keder ete ve yarımadada işğal akimiyetine qarşı çıqqan habersiz ğayıp olğan insanları aqqında davalarnıñ baquvını nasıl uzata?
Cumartesi künü, saban aynıñ 18, saat 20:00’de Suspilne kanallarında ve Suspilne Qırım platformalarında “Qırım meselesi” leyhasınıñ yañı çıqışını seyir etiñiz.
Alıp barıcı Olesâ Vakulenko, yayında advokat Emil Kurbedinov, uquq qoruyıcıları İrina Sedova ve Abdureşit Cepparov ve “Qırım SOS” GT idaresiniñ başı Oleksiy Tilnenkonen müzakere etecek.
Rusiye, vaqtınca işğal etilgen Qırımda qırımtatarlarına qarşı basqılarını qullanmağa devam ete. Bu afta rusiye quvetçileri qırımtatar faallerniñ evlerinde nevbetteki qanunsız tintüvlerni keçirdiler. Tintüv, “uvut aynıñ 23 Bağçasaray rayondaki demiryolında olğan patlavı aqqında davasınıñ” tahqiqatı çerçivelerinde olıp keçken.
Tafsilâtlıca oquñız: Qırımnıñ Aqmescit rayonında işğalcılar jurnalist Rolan Osmannıñ evinde tintüv keçirdiler
İnsan aqları boyunca ukrain ombudsmeni Dmıtro Lubinets haber etkeni kibi, öz apishanelerde Rusiye, qanunsız sürette 180 siyasiy mabusını tuta, olardan 116 - qırımtatarıdır. İşğal içinde Qırımda 20’den ziyade insan habersiz ğayip olğan, olardan 15 qırımtatar halqnıñ vekili ola.
“Qırım meselesi”niñ çıqışını canlı yayında Suspilne telekanallarnıñ saytlarında, yazılğan şeklinde - Suspilne Qırımnıñ YouTube-kanalında seyir etiñiz.
Bizni Telegram’da oquñuz
