Bunıñ aqqında RF Mudafaa nazirliginiñ matbuat hızmeti Telegram’da bildire. 

“Rusiye Federatsıyasınıñ mudafaa naziri, ordu generalı Sergey Şoygu, mahsus arbiy ameliyatınıñ keçirilmesi içün tayin etilgen ava saasınıñ MQ-9 uçucısız amerikalı uçaq aletine vaqtınca qullanuv rejiminiñ sıñırlarınıñ bozuluvına keder etken Su-27 uçaqlarnıñ uçucılarını devlet mükâfatlarına namzet etti”, - qayd etile beyanatta. 

Bundan da ğayrı, saban aynıñ 16 işğalcılar “Cenübiy aqımı” gaz borusınıñ yolı keçken ve rusiye arbiy gemisi nevbet etken işğal etilgen Aqyardan 60 km’den mesafesinde deñizde amerikalı dronnı tapqanlarını ilân ettiler. Bunıñ aqqında RF Mudafaa nazirligine yaqın olğan ve ameliyatınıñ tafsilâtlarnen tanış olğan ForPost rusiye neşriyatını şahsiy menbası bildirdi. 

“Deñiz tününe MQ-9 Reaper’ni 850-900 metr terenlikte tapqan suv astı robotı tüşken”, - dedi sübetdeşi neşriyatqa. 

Tafsilâtlıca oquñız: Qara deñiz üzerinde amerikalı dronnıñ yoq etüvi: Kuleba, böyle vaqialarına qarşı çıqmağa yekâne usulını aytqan

Bunen beraber işğalcılar dronnıñ işlep çıqarılması içün qullanılğan amerikalılarnıñ tehnologiyalarnı tafsilâtlıca baqmağa planlaştırğanlarını gizlemeyler. 

“Mütehassıs, ForPost’nen müzakeresinde RF Mudafaa nazirligi içün uçucısız uçağınıñ içindeki elektrikası ve köçüricisi meraqlı olğanını qayd etti. Öz nevbette, qayd etkeni kibi, AQŞ quvetleri uçucısız uçağınıñ topraqqa köterilüvine qadar öz usullarnı qullanıp onı yoq etmege tırışqanları stsenariyi istisna etilmey”, - ilân eteler propagandacılar. 

Aynı zamanda AQŞ arbiy ava quvetleri MQ-9 Reaper uçucısız uçağınıñ tusiye qırıcısınen çatışmasınıñ tahminiy yeri ve vaqtınen ve Qara deñizge dronnıñ ilerideki tüşüvinen grafik hatitasını yayınladılar, paylaşa CNN. 

Avropada AQŞ AAQ reberligi, Teitterdeki saifesinde “haritadaki miqyasta kösterilmegen noqtalar, metin tarlarda qayd etilgen mesafeler vaqia olğan yerine qıymet kesüvi olğanını” qayd etken.

Daa amerikalı arbiyleri salı künü, saban aynıñ 14 Qara deñizi üzerinde rusiye qırıcısınen uçucısız uçağınıñ belli etilgen çatışma videosını yayınladılar. 

Belli olğanı

• Saba saban aynıñ 14 eki rusiye uçağı Su-27, Qara deñizi üzerinde halqara ava saasında areket etken AQŞ AAQ közetüv, istihbaratınıñ uçucısız uçağınıñ telükeli aluvını yaptı.Bunıñ aqqında Avropada AQŞ arbiy-ava quvetlerniñ reberligi bildire. Reberliginiñ malümatına köre, tesadüf neticesinde amerikalı quvetleri halqara suvlarında MQ-9’nı yoq etmege mecbur oldılar.

Bizni Telegram’da oqunız