Zelenskiyde, tibbiy yardımını bermegen hasta qırımtatar siyasiy mabuslarnıñ sayısını ayttılar
Qırım MC’dr Ukraina prezidentiniñ daimiy vekili Tamila Taşeva bildirgeni kibi, şimdi apiste bulunğan tahminen 50 qırımtatar siyasiy mabusınıñ sağlıq meseleleri bar. Olardan çoqusına tibbiy yardımı beriley, o ise - Jeneva konventsıyasına köre, insanlar üzerinde işkenceler ola.
Bunıñ aqqında o, “Medeniyet radiosı”nıñ yayısında bildirdi.
“Jeneva konventsıyasına köre, tibbiy yardımınıñ berilmemesi, aqiqaten, insanlar ğzerinde işkenceleridir. Yaman sağlıq alınen bulunğan tahminen 50 insanımız bar, çoqusına tibbiy yardımı berilmey. Bu siyasiy mabuslarnıñ çoqusı, yaş insanlarıdır”, - tarif etti Taşeva.
Tafsilâtlıca oquñız: 2022 senesi içinde işğalcılar Qırımdan rusiye kokoniyakarına eñ azdan 15 sitasig mabusını alıp keçirdiler - Qırım SOS
Onıñ sözlerine köre, rusiye apishanelerinde elâk olğan eki siyasiy mabusı Konstantin Şıringa ve Cemil Gafarovnı aqiqaten öldürdiler.
“Elbet de, o, işkencelerinen qıyaslamaq öümkün olğan adamsız münasebetidir. Afsus ki, bunı aytmaqtan pek qorqam, amma o, rusiye türmelerinde soñki ölümleri belki degil”, - qayd etti Taşeva.
Belli olğanı
- Ukrain ombudsmeni Dmitriy Lubintsnıñ malümatlarına köre, Rusiye, 180 ziyade qırım siyasiy mabusını qanunsız tarzda tuta, olardan 116 qırım tatarıdır.
- 2022 senedi içinde vaqtınca işğal etilgen Qırımda qırım siyasiy mabuslarınıñ işkenceleriniñ eñ azdan altı vaqiası qayd etilgen edi.
- Uquq qoruyıcılarnıñ malümatlarına köre, RF Orenburg vilâyetteki rusiye koloniyasında vaqtınca işğal etilgen Qırımda “casuslıq” içün qanunsız sürette mahküm etilgen ukrain siyasiy mabusı Kostântın Şıring vefat etken.
- Uvut aynıñ 10 rusiye Novoçerkasknıñ tahqiqiy tevqifhanesinde “qırım musulmanlarnıñ davasında” 13 yılğa mahküm etilgen qırımlı Cemil Gafarov vefat etken.
Bizni Telegram’da oquñız
