Terroristlernen iç bir uzlaşması olamaz, Qırımnen Donbass serbest olacaqlar - Danilov
Ukraina Milliy telükesizlik ve mudafaa şurasınıñ kâtibi Okeksiy Danilov, 2014 senesi Rusiyenen işğal etilgen Qırım, Donetsk ve Lugansk vilâyetleri şübesiz Ukrainanıñ nezaretine qaytacaqlarını bildirdi.
Bunı ı, “24 Kanalı”nıñ tefsirinde bildirdi.
“385 künü içinde devletimizni mudafaa etkenimiz - ülkemiz, Silâlı Quvetler ve yüqarı arbiy-siyasiy idaresinde işanmağan insanlarına cevabıdır”, - qayd etti Danilov.
MMTŞ kâtibi qayd etkeni kibi, “planlarımız başqa edi, amma kimsege iç bir vaqıt bermecegimiz toprağımızdır”.
“Terroristlernen iç bir razılaşması olamaz. Qırım, Donetsk ve Lugansk vilâyetleri - bu territoriyalar ülkemizge qaytacaqlar. Başqaca olmaz”, - qayd etti o.
Tafsilâtlıca oquñız: Bu yıl Qırımdaki mevsimi, pek sıcaq olacaq - Podolâk
Belli olğanı
- 2023 senesi qara qış ayında MMTŞ kâtibi Okeksiy Danilov, RF’nıñ yañı olabilgen ücümine azırlanuvı, ortaqlardan yardımı, Soledar ve Bahmut astında USQ taktikası, Donbassnıñ aenkligi ve Ukrainanıñ ğalebesinden soñ Luganskqa yolculığı aqqında tarif etti.
- Avropada AQŞ ordusınıñ sabıq başı general Ben Goces, Qırımnıñ olabilgen deokupatsıya planını köstergen. Arbiy inşaatları ve RF QB bazaları boyunca uzaq mesafelş utuşlarbı uzun vaqıt devamında yapmaq, soñra ise bazı nişanlarnı PUA ile yoq etip tek soñ yarımadanıñ territoriyasına ukrain ordularnı kirsetmek.
- UMN İBİ başı Kırılo Budanov, baarniñ ortasından soñuna qadar keçirilecek olğan uruşlar cenkniñ qarar berici ani olacağını qaçıncı sefer qayd etti.
- Ukraina prezident ofisiniñ baş muavini İgor Jovkva ilân etkeni kibi, şimdi işğal etilgen Qırımnıñ serbest etüv yollarınıñ episini diqqatqa alalar, diplomatik yolı, arbiy soyunı tamamlaybile.
Bizni Telegram’da oquñız