Bunı “Qırım birdemligi” bildire. 

“Cenübiy arbiy bölge makemesinde Ernest Seytosmanovnıñ sorğusı olıp keçken, anda o terrorizmge ait olmağanını añlatqan. Bundan da ğayrı, siyasiy mabusınıñ tevqif müddetini daa eki ayğa uzattılar”, - denile beyanatta. 

Advokatlar qabaatlavnıñ esas delillerden biri olğan risalelerinde Seytosmanovnıñ parmaq izleriniñ tasdıq etüvi ya da red etüvi içün daktologik ekspertizasınıñ keçirilmesi aqqında şefaat etken ediler. FTH, imaye tarafına razılıq bermegen. Advokat Oleksey Ladinniñ fikirine köre, böyleliknen işğalcılar bu kitaplarnı özü alıp qoyğanlarını tasdıq ettiler. 

Kelecek oturışı, çiçek aynıñ 3’ne planlaştırılğan. 

Belli olğanı

• Ernest Seytosmanov ve daa üç qırımtatarını işğal quvetçileri Qırımdaki tintüvlerden soñ 2022 senesi uvut aynıñ 9 tutıp aldılar. Seytosmanovnı Aqyarnıñ Balıqlava rayonında tutıp aldılar. 
• Onı RF’da yasaq etilgen “Hizb ut-Tahrir” teşkilâtında iştirağında qabaatlap 10 yıldan 25 yılğa qadar azatlıqtan marum etüvini bermege isteyler. 
• Advokat Okeksiy Ladin, taqiqat tevqifhanesinde Ernestniñ sürekli hastalıqları kerginleşkeni aqqında bildirdi. Daa o, arizanı yazıp tibbiyet qısmına çağırılğan edi, anda oña taqiqat tevqifhanesinde olmağan ilâclarnı yazdılar. Hastalığı da tayin etilmegen edi. 

Bizni Telegram’da oquñız