Bunı “Qırım birdemligi” bildire. 

Makeme kolegiyası, makemeciler Roman Pliskı, Oleksiy Sannikov ve başı İgor Kostinden ibaret edi. 

Devlet qabaatlayıcı Vladislav Kuznetsovnen siyasiy mabusı içün rica etilgen azarlıqtan soñ sıñırmalar şusı ki, ayda eki kere kelip qayd etilmek, saat 23:00’ten 06:00’ğa qadar yaşağan evni qaldırmamaq, evelden haber etmeyip yaşağan yerni ve işini deñiştermek ve halq ögünde yapılğan tedbirlerni ziyaret etmemek kerikliginde esaslanalar. 

“Terrorizmge ait degilim. Makeme zalından ailem, balalarıma meni azar etiñiz”, -qayd etti Amethan Abdulvaapov makemedeki öz soñ sözünde. 

Bunen beraber, qırımtatarına ve onıñ ailesine qol tutmaq içün Qırımdan kelgen Rustem Muyedinov, qabaatlav, onıñ ayat tarzına uymağanını qayd etti. 

“Onı terbiyeli insan, halq adına çalışqanı kibi bilem. Oña dair qabaatlavlar onıñ ayat tarzına uymaylar. O, adaletsizdir”, - ilân etti o. 

Abdulvaapovnıñ davasında makeme oturışı, tahminen bir yıl süre edi. Advokatlar Refat Yunus ve Tamara Odinçenko, terroristik faaliyetine onıñ aitliginiñ olmağanını ve qabaat delillerniñ yoq oluvını ve şaatlarnıñ aydın olmağan şaatlıqlarını tasdıq etken ediler. 

“Qabaatlavlar, aqiqatqa uymağan delillerde esaslanğanlar. Abdulvaapov, devletimiz ve cemiyetimiz içün o qadar havflı olğan olsa, ne içğn onı daa 2015 ya da 2016 senelerde tutıp almağanlar?”, - dedi Odinçenko. 

Böyleliknen, terroristik faaliyetine dair versiyası, “İsmayilov” gizli şaatınıñ şaatlığında esaslana. Siyasiy mabusınen sanki dersin 2015 senesi “Hizb ut-Tahrir” davasında 17 yılğa mahküm etilgen imam Rayif Fevziyevniñ evinde tanış olğan. Anda bir qaç musulman erkegi kelip islam idare etüv şekline  devletiniñ qanunlarına ve teşkilâtqa yañı talebelerniñ celp etilmesine dair din meselelerni müzakere etken ediler. Bunen beraber Abdulvaapov, “ideologiyanı añlağan insanına oşağan edi”. Amma qabaatlanğannıñ tarafından qanunsız faaliyetiniñ misallerini şaat bermegen. 

Belli olğanı

• Amethan Abdulvaapov, 2022 senesi uvut aynıñ 9 saba tevqif etilgen edi. O vaqıt Qırımnıñ bir qaç rayonında qırımtatarlarnıñ evlerinde tintüv keçirdiler. Dört insannı tutıp aldılar: Ansar Osmanov, Marlen Mustafayev, Ernest Seytosmanov ve Amethan Abdulvaapovnı. Olarğa  Aqmescitteki taqiqat tevqifhanesinde tutuvı sıñırlama tedbirini seçip aldılar. 
• Tutıp alınğanlarınıñ episi, Rusiyede 2003 seneden başlap yasaq etilgen “Hizb ut-Tahrir” islam siyasiy gırqasında azatlığında qabaatlanıla. Ukraina territoriyasında ve ülkelerniñ çoqusında teşkilât, milliy qanunlarınıñ seviyesinde sıñırsız areket ete. 

Bizni  Telegram’da oquñız