Qırımnıñ Aqmescit rayonında işğalcılar jurnalist Rolan Osmannıñ evinde tintüv keçirdiler

Любезна Катерина
·
12:21, 15 Sabanay
Qırımnıñ Aqmescit rayonında işğalcılar jurnalist Rolan Osmannıñ evinde tintüv keçirdiler
Foto menbası: Кримська солідарність

Qırımnıñ Aqmescit rayondaki Urojaynoye köyünde FTH işğal hadimleri uvut aynıñ 23 Bağçasaray rayondaki demiryolnıñ bozuluvı aqqında beyannamesi sebebinden faal ve grajdan jurnalisti Rolan Osmannıñ evinde tintüv keçirdiler. Onı Aqmescitteki FTH idaresine alıp ketirdiler. 

Bunıñ aqqında “Qırım birdemligi” bildire

Osmannıñ ömür arqadaşı ilân etkeni kibi, tintüv vaqtında FTH işğal hafimlerinde vesiqalarnı talap etkenleri içün onıñ aqayını urdılar. 

UPD:

“Saba, özüni adlandırğanları kibi, FTH tintüvnen keldi. Kimsege telefon açıp olamadıq, kirip telefonlarnı tez alıp zalğa kirdiler, aqaynı tabanğa tüşürip qolçaqlarını kiydirdiler”, - haber etti faalniñ ömür arqadaşı. 

Onıñ sözlerine köre, Osmanov, işğalcılarsan vesiqalarnı istep tintüv sebebini añlatmağa tica etken, lâkin tek biri şaatlıq etken. 

“Balanıñ treheostoması bar, buna köre, oña kettim. Aqayımnı eki saniyege qaldırdım, olar (FTH hafimleri) onı endi urdılar. O, kene de tabanda yata. Kirip ne yapqanlarını sorayım, Rolan onı utğanlarını aytqan. Olar aksine malümatını aytap turalar, amma beti qıp-qırmızı. Olardan vesiqalarnı sorğanı içün”, - ayttı Zemine. 

Bundan soñ işğal quvetçileri tecavuziy şeklinde tintüv keçirgenlerini qayd etti. Osmanovnıñ anası yaramay olğan, acele yardımını çağırdıq.

Advokat Edem Semedlâyev, FTH binasına keçmege tırışqan edi, amma onı keçirmediler. 

“Añlaşmanı tizdim, onıñ meraqlarınj taqdım etmege keldim. İmaye astında olğanınen körüşmege öz niyetini bildirdim. Maña FTH uquqiy mesleatçısı, mayor Ruslan Olekseyçuk çıqqan. 15 daqqağa çıqqan, soñra kene de çıqıp şimdi Rolannıñ uquqiy yardımına ihtiyacı olmağanını bildirdi. Onıñ sözlerine köre, onnen iç bir ceryaniy areketlerni keçirmegen ediler”, - haber etti qoruyıcı. 

Rolan Osmanov. Menba: facebook.com/crimeansolidarity

Belli olğanı

  • Rolan Osmanov, Han sarayı yanında keçirilgen piketlerniñ faal iştirakçısı ola. Tamir etüv tarzında onıñ yoq etüvine qarşı çıqqan edi. Faal, Qırımda siyasiy sebeplerden keçirilgen makeme oturışlarnı muntazam sürette ziyaret ete. 
  • 2019 senesi “operativ-teşkerüv tedbirleri” endi keçken edi. İşğal quvetçileri o vaqıt bildirgenleri kibi, narkotiklerni qıdıra ediler eken, amma bir şeyni tapmayıp evni qaldırdılar. 
  • 2022 senesi oraq aynıñ 13 Qırımdaki işğalcılar jurnalist Rolan Osmannı tevqif ettiler. Onı RF CK 20.3.3 maddesine köre Rusiye Federatsıyasınıñ Silâlı Quvetleriniñ qullanuvınıñ diskreditatsıyasına yöneliş tutqan halq ögünde yapılğan areketlerinde qabaatlaylar. 
  • Soñra Rolan Osman, “E” merkeziniñ hadimleri oña RF ordusını desteklemek maqsadınen video muracaatını yazmağa teklif etkenlerini tarif etti. 
  • 2021 senesi ilk qış ayında Kiyev işğal “makemesi”, faalnı ilk küz aynıñ 4 Aqmescitte “FTH bölügi” yanında qırımtatarlarnıñ kütleviy toplaşuvlatında iştirağı içün 15 biñ ruble (tahminen 7 716 biñ grivna) ödetti. O vaqıy o, mitingge grajdan jurnalisti olaraq kelgen, netice olaraq ise - onlarca insannen tutıp alınıp “polis bölügine” alıp ketirilgen edi. Keççe onıñ adına memuriy protokolını tizdiler ve biraz soñra “makeme” olundı. Diñlev ceryanı aqqında tesadüfen haber alğan. 

Bizni Telegram’da oquñız