Bunıñ aqqında Avropada AQŞ arbiy-ava quvetlerniñ reberligi bildire. Reberliginiñ malümatına köre, tesadüf neticesinde amerikalı quvetleri halqara suvlarında MQ-9’nı yoq etmege mecbur oldılar. 

“Tahminen saba saat 7:30 merkeziy avropalı vaqtına köre, rusiye Su-27 uçaqlardan biri Mq-9’nıñ pervanesine urğan, bunıñ neticesinde amerikalı quvetleri halqara suvlarında Mq-9’nı yoq etmege mecbur oldılar. Çatışmasından evel Su-27 bir qaç sefer Mq-9’na yaqarını atıp onıñ ögünde ekologik ceetinden telükeli, mütehassıs olmağan usulı ile uçqan ediler”, - denile beyanatta. 

Bu vaqia, tek mütehassıslığınıñ qıtlığını degil, telükesini de köstere, qayd ettiler reberlikte. 

“Mq-9 uçağımız, onı rusiye uçağı alıp yoq etkende halqara ava saasında adiy ameliyatlarnı keçire edi, o ise - felâket ve Mq-9’nıñ ğayıp etüvine ketirgen”, - ilân etti Avropada ve Afrikada AQİ AAQ reberi, AQŞ AAQ generalı Ceyms B.Hekker. 

Onıñ sözlerine köre, aqiqaten, rusiyelilerniñ bu telükeli ve mütehassıs olmağan areketi, eki uçağınıñ felâketine ketirecek edi. 

“AQŞ ve Alyans azalarınıñ uçaqları halqara saasında areket etmege devam etecekler ve biz rusiyelilerni mütehassıs ve telükesiz sürette areket etmegw çağıramız”, - dep qoştı Hekker.

Reberlikte ilân etkenleri kibi, bu vaqia, AQŞ uçaqları ve Alyans azalarınen işdeşligi vaqtında rusiye uçucılarınıñ telükesiz areketlerniñ nevbetteki misali ola. Rusiye ekipajlarınıñ bu tecavuziy areketleri telükeli olıp esabatlarnıñ yañlış etüvine ve mahsus olmağan tartışmasına ketirebileler, denile AQŞ AAQ Avropalı reberliginiñ arizasında. 

Bizni Telegram’da oquñız