Til ile öz medeniyetinen yaşamaq: Qırımtatar tili milliy bölüginiñ ortaqları bu canlı platformasınıñ işletüvi aqqında tarif ettiler
Ukrainada yaqın vaqıtta Reintegratsıya nazirliginen teşebbüs erilgen qırımtatar tili milliy bölügi canlı platforması çalışmağa başlaycaq. Platforma, qırımtatar tilinde tasil, ilim ve başqa malümatlarnıñ açıq malümat bazasınıñ vazifesini eda etecek. Şimdi alimler farqlı malümatlarnıñ üzerinde çalışalar, olarğa Qırım sakinleri yardım eteler.
Bunıñ aqqında “Dom” telekanaldaki sabalıq yayısında bildirile.
Platforma, qırımtatar tilini saqlap onı qullanuvında tarqatmaq maqsadınen yaratılğan.
“Tilimizniñ bütün baylığı, kitaplar ve başqa resurslardan alınıp mahsus malümat bazasına kirsetile. Bu malümatnıñ esasında tillerni ögrenmek, talil etmek, sarf ve medeniyetini ögrenmek mümkün. Soñra canlı tercimannı yaparmız”, - qayd etti leyhanıñ ğaye ilhamcısı, ASTEM FOUNDATION fondnıñ başı Snaver Seythalil.
Qırımtatar edebiyatını, milliy gazetalar ve neşriyatlardan malümatlarnı yayınlamağa planlaştıralar. Eñ eski neşriyatı - 1883 senedeki “Terciman” gazetasınıñ çıqıqşı, eñ zemaneviy soyu ise - 2022 senesine ait.
Qırımtatar tiliniñ milliy korpusınıñ ortağı, isviçre-ukrain programmasınıñ destegi ile Taras Şevçenko adına Kiyev Milliy universiteti olğan.
Tafsilâtlıca oquñız: 4 ay içinde qırımtatar tiliniñ milliy bölğgine endi 675 malümatnı kirsettiler
“İsviçre, çeşit-türlüginde birdemligini destekley. Dört tilniñ ülkesi olaraq bizim ve başqa tilleriniñ saqlanmasında meraqlanamız. İsveçrede tillerden biri - rom tilidir. Onen tek 40-60 biñ insan laf ete, amma onı saqlamaq içün biz de tırışamız. Buna köre, mında qırımtatar tilini de imaye etemiz. O, insanlarnı olarnıñ medeniyetinen bağlanğanına, til ile öz medeniyetinen yaşamağa olarğa fırsat bergenine köre müim”, - añlattı Ukrainada İsveçre elçisiniñ baş mesleatçısı Aylin Gofştetter.
Bu vaqıtqa qadar qırımtatarca basılğan ve canlı menbalarnıñ toplavı keçe. Milliy bölüginiñ teşkil etüvine bu devirde istegenlerniñ episi, Qırımtatar tiliniñ milliy bölüginiñ Instagramında qoşulabile.
Belli olğanı
- YUNESKO’nıñ malümatlarına köre, qırımtatar tili, yoq oluv telükesi astında bulunğan tillerden biri. Qırımtatarlarnıñ aqları, olarnıñ milliy özgünligini saqlamaq içün er şeyni yapa.
- Keçken yıl Nazirler kabineti, 2022-2023 senelerge qırımtatar tiliniñ inkişaf strategiyasını qabul etti.
- 2022 senesi Reintegratsıya nazirligi, 2022-2023 senelerine qırımtatar tiliniñ inkişaf strategiyasınıñ eda etüv çerçivelerinde Ukrainada qırımtatar tiliniñ milliy bölüginiñ (QTMK) teşkil etilmesini teşebbüs etti.
- Vitse premyer naziri İrina Vereşçük, qırımtatar tiliniñ imaye etilmesi içün ilk nevbette onıñ imlânı ve onıñ tasdıq etilmesi içün qanuniy bazasını işlep çıqarmaq kerek olğanını bildirdi.
Bizni Telegram’da oquñız
