FTH işğal hadimleri Qırımda Çelebicihan adına batalyondan ukrain göñüllini tutıp aldılar
Qırım boyunca işğal FTH’de RF territoriyasında yasaq etilgen Noman Çelebicihan adına qırımtatar göñülli batalyonnıñ faaliyetinde faal iştirağını alğan ukrain göñüllini tutıp alğanlarını ilân ettiler.
Bunıñ aqqında Qırım boyunca işğal FTH matbuat hızmeti bildire.
Qırımnıñ memuriy sıñırında, Çonğardaki nezaret-keçüv noqtasında qırımlınıñ tutıp aluvınıñ videosını öz Telegram saifesinde propagandalı RİA “Qırım haberleri” malümat agentligi yayınladı.
“2016 senesi erkek, Ukrainanıñ territoriyasında faaliyetini keçirgen “Noman Çelebicihan adına qırımtatar göñülli batalyonına” (RF’da yasaq etilgen) öz isteginen kirgen. Şübelengen, qanunsız silâlı teşkilâtınıñ faaliyetinde faal sürette iştirak etken edi. Bunen beraber, onıñ terkibinden öz isteginen çıqmağa fırsatı olğanda, bunıñ aqqında uquq qoruyıcı organlarına müracaat etmeyip batalyonda iştirağına dair cinaiy faaliyetini devam etken”, - denile beyanatta.
Şimdi oña dair RF CK 208 maddesiniñ 2 qısmı boyunca (RF federal qanunı ile közde tutulmağan silâlı teşkilâtında iştirağı) cinaiy davası açılğan. Qanunsız tevqifiniñ 15 yılına qadar havfı bar.
Belli olğanı
- Saban aynıñ 2 işğal Cankoy rayon makemesi, Ukrain vatandaşını “Noman Çelebicihan adına qırımtatar batalyonında” iştirağı içün beş yılğa tevqif etti.
- Uvut aynıñ 17 Cankoydaki işğal makemesi, işğalcılarnen işğal etilgen Herson vilâyetindeki Geniçeskte hırsızlap “Noman Çelebicihan batalyonda” ve “Qırımnıñ deñiz blokadasında” iştirağında qabul etilgen Ukraina DAQ sabıq ofitser Kiselövni 8,5 yılına mahküm etti.
Bizni Telegram’da oquñız
