Bunıñ aqqında “Qırım birdemligini” qırımtatar halqnıñ Qurultaynıñ MSK başı Zayir Smedlâ bildirdi. 

“Bugün saba saat 5’te Krasnogvardeyskoye qasabasınıñ sakini Memet Aşurovnıñ evinde sanki dersin Bağçasaray rayondaki demiryolındaki diversiyasında şübesi sebebinde tintüv keçti. Bugün o, ağlarda terrıristler, diversantlarbı köstermek içün tintüv, tevqif etüv sırasınıñ çerçivelerinde nevbetteki işidir. Buna endi rastkelgen edik. Şimdi Memetni Aqmescitteki FTH binasına alıp ketirdiler. Advokat Edem Semedlâyevni oña daa kirsetmeyler”, - tarif etti Smedlâ. 

Suspilne Qırımnıñ tefsirinde advokat Edem Semedlâyev tarif etkeni kibi, o, prokuratura ve FTH’ne şikâyetlerni alıp berecek. 

“Saba saat 10’dan FTH binasında bulunam. Anda ise Memet Aşurovnı qıdırıp FTH nevbetçisine bir qaç sefer tekefon açqan edin. Bundan soñ FTH uquqiy mesleatçısı kibi tanışılğan insan çıqıp Memet Aşurov, tahqiqatçınen şaat olaraq soraştırılğan edi, bundan soñ operativ hadimleri onen tahqiqiy işlerini keçireler. Bu insannıñ sözlerine köre, Memetniñ ne tibbiy, ne de uquqiy yardımına ihtiyacı bar”, - dedi uquq qoruyıcı. 

Advokat, Aşurovnıñ yardımğa ihtiyacı olmağanı aqqında ondan şahsen eşitmege ve nasıl areketler olunğanını bilmege istegenini qayd etti. 

“Uquq mesleatçısı, Qırım Cumhuriyetteki federal telükesizlik hızmetiniñ saytına şikayetler ve arizalarnı alıp berebilgenimni aytqan. Başqa bir malümat berilmegen edi. Memet Aşurovnıñ alı belli degil”, - qayd etti Edem Semedlâyev. 

Belli olğanı

• Saba saban aynıñ 9 Krasnogvardeyskoye köyünde rusiye quvetçileri qırımlı Memet Aşurovnıñ evinde tintüv keçirip onı tutıp aldılar ve Aqmescitteki FTH idaresine alıp ketirdiler. 
• Uvut aynıñ 24 ukrainler ve qırımtatarlarnıñ arbiy-partizan areketi “Ateş, vaqtınca işğal etilgen Qırımda Poştove köyü yanında demiryolnıñ qısmını patlağanlarını bildirdi. 

Bizni Telegram’da oquñız