Qırımda işğalcılar qırımtatarlarnıñ evlerinde kene de tintüvlerni keçireler
Krasnogvardeyskoye köyünde rusiye quvetçileri qırımlı Memet Aşurovnıñ evinde tintüv keçirip onı tutıp aldılar ve Aqmescitteki FTH idaresine alıp ketirdiler. Daa Bağçasarayda işğalcılar qırımtatar halqnıñ Qurultay namzeti Asan Abduramanovnıñ ağasına keldiler.
Bunıñ aqqında “Qırım birdemligi” cemaat birdemligi bildire.
“Soy-soplarğa protokolını qaldırmadılar. Evde o an çağına yetmegen eki baladı bar edi… Ömür arqadaşınıñ sözlerine köre, taqiqatçı, eki şaatı ve eñ azdan 9 maskalı insan, saba saat 6’da kirip evde bir buçuq saat devamında bulunmaqta ediler. Memet Aşurovnıñ telefonnı, diskni ve video közetüv kameralı tehnikasını musadere ettiler”, - denile beyanatta.
Faaller bildirgenleri kibi, FTH hadimleri onı Bağçasaray rayondaki demiryolınıñ bozuluvına aitligini teşkire etken ediler.
Tafsilâtlıca oquñız: Diversiyada şübeleyler: işğal etilgen Qırımda FTH, qırımtatarı Edem Murtazayevni tutıp aldı
“Qırım ğayesi” uquq qoruyıcı cemaat birliginiñ malümatlarına köre, Asan Abduramanovnıñ ağasında da işğalcılar tintüv keçireler.
“Bağçasarayda rusiye quvetçileri qırımtatar halqnıñ Qurultay namzeti Asan Abduramanovnıñ ağasınıñ evinde tintüv keçireler. Ev territoriyasına kimseni kirsetmeyler. Evelki malümatlarına köre, Asan Abduramanov özü, Qırım tışında çoqtan yaşay”, - denile beyanatta.
Belli olğanı
- Uvut aynıñ 24 ukrainler ve qırımtatarlarnıñ arbiy-partizan areketi “Ateş, vaqtınca işğal etilgen Qırımda Poştove köyü yanında demiryolnıñ qısmını patlağanlarını bildirdi.
Bizni Telegram’da oquñız
