Bunı Arbiy esirlerinen areket etüv meseleler boyunca koordinatsıya ştabı (AEAMKŞ), Telegram’da bildirdi. 

“Grajdanlarnıñ deñişüvi aqqında añlaşıp olsaq, olarnı qaytaramız. Amma Jeneva şartlarına köre, olarnı birden şartsız çıqarmaq kerek olğanınen grajdanlarnıñ qaytaruv mehanizmni tapmağa ümüt etemiz”, - qayd etti Ştab vekili. 

Yuqarı Şurasınıñ İnsan aqları boyunca ofisiniñ vekili aytqanı kibi, tarafımız, grajdanlarnıñ qaytaruv ceryanını başlatmağa tırışqan edi. Bunıñ içün Türkiyede vekillerniñ sübetleşüvinde rusiyelilerge yaş adamlar, qadınlar, yaralanğanlar, ağır hastalar ve 2014 senesinden büyük miqyaslı ücüminden evel tutıp alğanlarınıñ qaytaruvını teklif ettiler. 

“RF, teklif etkenini eda etmege azırlığını daa köstermegen”, - qayd ettiler ştabta. 

Bundan da ğayrı, Koordinatsıya ştabında qayd etkenleri kibi, rusiyelilernen tutıp alınğan grajdanlarnıñ taqdiriniñ soraştırıp bilüvi içün rusiye uquq qoruyıcılarnen işini tüzeteler. Daa o, tutulğan yeri belli olğanda advokatlar adamlarımızğa irişimni takap etip olsunkar dep kerek. 

“Kreml siyasiy mabuslarnıñ soy-soplarınıñ birleştirüvi” CB, 2014-2021 senelerine qadar Rusiye ile tevqif etilgen Ukrainanıñ grajdan vatandaşlarnıñ tuvğanlarını ve soy-soplarını taqdim ete. Tevqif etilgenlerniñ çoqusı, rusiyelilernen vaqtınca işğal etilgen Qırımnıñ territoriyasında tutıp alınğan edi. 

Grajdan tevqif etilgenleri, arbiy esirleri kibi, Milliy malümat bürosında (MMB) yayınlandırılğanlar. İnsanlarnıñ, olarnıñ tuvğanlarnıñ başqa yerge yerleştirüvi aqqında malümatı olsa,  MMB’nı haberdar etmek kerek. 

Bizni Telegram’da oquñız