Bunıñ aqqında “Qırım birdemligi” cemaat birdemligine siyasiy mabusınıñ ömür arqadaşı Zarema Zekiryayeva bildirdi. 

Uvut aynıñ 5 aqaydan “Zonatelekom” ile yollanılğan mektübini alğanını qayd etti. Bu mektüpte koloniya memuriyeti, onı cöreme taqiqat tevqifhanesine 15 künge yerleştirgeni aqqında bildirile edi. 

“Böyle qararınıñ sebebini Server Zekiryayev bilmey. Keççe Zarema Zekiryayeva, daa bir elektron mektübini alğan. Anda ise -  aqayı, daa 15 kününe müddetniñ yañı uzatuvı aqqında bildirdi. Cöreme taqiqat tevqifhanesinden onı çıqarmadılar bile”, - denile beyanatta.

Uquqçı Liliya Gemici qayd etkeni kibi, siyasiy mabusnı taqiqat tevqifhanesinde tutmaq içün iç bir sebebi yoq. 

“O, tek basqısı degil de, işkenceleri de ola. Çünki cöreme taqiqat tevqifhanesinde berilgen aş, Zekiryayevnıñ din qatiy işançlarına uymay. Açlıqnı tutmağa mecbur. Buna köre, sağlıq qoruvı ve ömürlikke aqqı bozula”, - tefsir etti uquq qoruyıcı.

Belli olğanı

• 2022 senesi ilk küz ayında Server Zekiryayev ömür arqadaşını, onı Ufadan RF Tula vilâyetine alıp yerleştirgenini bildirdi. 
• 2017 senesi orta küz aynıñ 11 işğal etilgen Bağsarayda altı qırım tatarı Seyran Saliyev, Marlen Asanov, Timur İbragimov, Server Zekiryayev, Memet Belâlov ve Ernes Ametovnıñ evlerinde qanunsız tintüvler keçti. Bundan soñ olar “Hizb ut-Tahrir” davasında mahküm etilgen ediler. 
• Dava malümatlarına köre, qabaatlanılğanlarnıñ ne silâ, ne patlav aleti, ne de arbiy yedekleri bar edi, terroristik areketlerni yapmağa planlaştırmay ediler ve başqalarnı da terroristik areketlerni yapmağa çağırmay ediler, amma qattı nizamlı koloniyasında olarnıñ tevqif müddetleri deñişmez olıp qalalar. 

Bizni Telegram’da oquñız