Qırımda işğal akimiyetine qoşuldılar: UTH malümatlarına köre, Rivne vilâyetiniñ eki sakinini mahküm etecekler
Makemege duşman tarafına keçip Qırımda işğal akimiyetine kirgen Rivne vilâyetiniñ eki sakinine dair qabaatlav aktlarnı tertip ettiler.
Bunı Rivne vilâyetiniñ matbuat hızmeti bildire.
Qayd etilgeni kibi, Rivne vilâyetindeki Korets ş. 43 yaşında olğan sakini, Aqyar şeerinde FVDH İdaresiniñ mahsus tayin etüv qazaiy-qurtaruv avlasınıñ baş muavini vazifesinde bulunaraq, Qırım MC’de işğal akimiyetinen işdeşlik yapmağa razı oldı. Anda ise - Aqyar şeeri boyunca Rusiye fevqulâde vaziyetler nazirliginiñ baş idaresindeki mahsus avlasınıñ baş vazifesinde polkovnik unvanında cinaiy emirlerni eda etken edi.
Tafsilâtlıca oquñız: Prokuror, Qırımda dekret tatilini keçirip vazifesini coyğan
Bundan da ğayrı, makemeden evel tahqiqatı vaqtında Rivne vilâyetindeki Orjiv qasabasınıñ 34 yaşında olğan asılınıñ qanunsız faaliyetiniñ aqiqatları tayin etilgen ediler. O ise - USQ’de hızmetinde qaçınmaq maqsadınen işğal alimiyetiniñ teklifini qabul etip Ukraina meraqlarına uymayıp Qırım işğali boyunca qanunsız areketlerni yapqan RF SQ arbiy-deñiz bahriyesine kirgen.
Madde sanktsıyası, on beş yılına qadar müddetine azatlıqtan marum etüvini köz ögünde tuta.
Bizni Telegram’da oquñız