Bunı o, TSN intervyüsinde aytqan. 

“İlk nevbetten, Ğarp, Qırım bu cenkte qarar berici ani olğanını ve o serbest olmaq kerek olğanınen razı olmaq kerek. O, muzakerelerniñ nesnesi degil. Demek ki, Frenkistan, Almaniya, Britaniya, Ştatlar, başqa ülkeler “onı tınçlıq adına rusiyelilerge qaldırıñız” dep Kiyevni basqığa oğratmamalılar. O, felâkettir! Çünki Rusiye, eki-üç yıl soñra yañı ücümini başlatacağı aqqında dünyanıñ haberi olsa, Ukraina özüne kelip olamaz. Çünki yatırımcılar mında neden marum olacaqlarını bilecekler, çünki Rusiye, şübesiz ücüm etecektir. Buna köre, ittifaqdaşlarnı Qırım, qarar berici ani olğanı aqqında inandırmaq içün Kiyevdeki akimiyeti, sert olmalı”, - qayd etti o. 

Yarımadanıñ serbest etüvi içün ukrain ordusı içün vazifesine dair, amerikalı general şunı qayd etti ki, Ukrainanıñ ATACMS uzaq mesafeli raketaları olsa, endi şimdi Aqyardaki duşmanı boyunca uruşlarnı yapar edi. 

Tafsilâtlıca oquñız: Qırımnıñ ğayip etüvi RF ve şahsen Putin içün soñki noqtası olacaq - Çubarov

Goces emin, ameliyatlar devirleriniñ ceetinde ilk nevbette yarımadanıñ etraf müitten ayırıluvını yahşı etip tüşünmek kerek - yani rusiyelilerge Qırım köpürini ğayrıdan qurmağa keder etip qıtaiy Ukrainanıñ territoriyasından yolunı yoq etmek. General-leytenant, vaqtınca işğal etilgen  Mariupol, Berdânsk, Melitopol rayonlarındaki köpürleri boyunca uruşlarnı yapmağa teklif ete. 

Tafsilâtlıca oquñız: USQ’ge ealiniñ işançını pekiteler - Gümenük, Qırımdaki qara deñiz yalısında işğalcılarnıñ pekinmesi aqqında

Qırımnıñ serbest etüvi, cenkni ne içün toqtatacaq sualine de cevap bergen, çünki RF’nıñ, bir qaç biñ kilometr mesafesinden Ukraina boyunca uruşlarnı yapabilgen raketaları bar.

Elbet de, olarnıñ raketaları bar ve olacaq. Qırımnıñ zapt erüvi, olarnı yoq ettirmez. Amma eki esas şeyi ötkerilecek. Birinciden, Qırımnıñ ğayip etüvi, rusiye tarafında tamır deñişüvlerine alıp ketirecek. Yani, şimdi bile Prigojin, Şoygu, Kadırov arasında büyük davası bar. Bu adamlar bir birinden nefretleneler. Olarnıñ tarafında Qırımnıñ ğayip etüv neticesi nasıl olacağını tasavur etiñiz”, - qayd etti Goces. 

General-leytenant şunı qoştı ki, RF’da dos-doğru silânıñ yedekleri, şimdi pek sıñırırlanğanlar.

Belli olğanı

• Arbiy eksperti, USQ polkovnigi Petro Çernik ilân etkeni kibi, Qırım yarımadasınıñ arbiy ameliyatı ile işğalden serbest etüvi, aqiqiy vazifesidir, amma onıñ eda etilmesi içün uzaq mesafeli raketalar ve keyfiyetli nato aviatsıyası kerek.
• Avropada AQŞ ordusınıñ sabıq başı general Ben Goces, Qırımnıñ olabilgen deokupatsıya planını köstergen. Arbiy inşaatları ve RF QB bazaları boyunca uzaq mesafelş utuşlarbı uzun vaqıt devamında yapmaq, soñra ise bazı nişanlarnı PUA ile yoq etip tek soñ yarımadanıñ territoriyasına ukrain ordularnı kirsetmek.  
• UMN İBİ başı Kırılo Budanov, baarniñ ortasından soñuna qadar keçirilecek olğan uruşlar cenkniñ qarar berici ani olacağını qaçıncı sefer qayd etti.
• Ukraina prezident ofisiniñ baş muavini İgor Jovkva ilân etkeni kibi, şimdi işğal etilgen Qırımnıñ serbest etüv yollarınıñ episini diqqatqa alalar, diplomatik yolı, arbiy soyunı tamamlaybile.

Biznı Telegram’da oquñız